Jańalyqtar
Depýtat mınıstrden MÁMS qorynda jemqorlyqqa jol ashqan buıryqty nege joımaı otyrǵanyn surady
Foto: ashyq derekkóz
Depýtat mınıstrden MÁMS qorynda jemqorlyqqa jol ashqan buıryqty nege joımaı otyrǵanyn surady, dep jazdy qandastar.kz
Baqytjan Bazarbektiń aıtýynsha, MÁMS qory qarjylyq esep júrgizbeıdi. Bul 2020 jyly 24 jeltoqsanda Densaýlyq saqtaý mınıstrliginiń buıryǵymen bekigen. (avt. Ol kezde mınıstr Alekseı oı edi). Sonyń kesirinen jymqyrý, sybaılas, jemqorlyq pen olqylyqtardyń bári oryn alyp otyr. Joǵary aýdıt palatasy osyndaı qorytyndy jasaǵan.
«Sizderdiń aldaryńyzda MÁMS qoryndaǵy jemqorlyqtyń kózine aınalǵan 2020 jylǵy buıryq. Bul zańǵa qaıshy, qarjy jymqyrý men jemqorlyqty týdyratyn qujat. Bul buıryqty siz qabyldamaǵanyńyzdy bilemin. Biraq mınıstr qyzmetine kelgennen beri siz osy buıryqty ózgertýińiz kerek edi ǵoı. Onyń ústine senator bolǵanda osy buıryqty jıi synaǵan edińiz. Aıtyńyzshy, buıryqty qashan joıasyz?»,- dedi Bazarbek.
atamekenbusiness_qaz habarlaǵandaı, Densaýlyq saqtaý mınıstri buıryqtyń kúshi joıylmaıtynyn, tek ózgeris engiziletinin aıtty.
«Biz olqylyqtardy joıý úshin 1 shildege deıin ózgeris engizemiz. Tıisti organdarǵa materıaldardy joldaımyz», — dep sendirdi.
