Depýtat muǵalimder jetispeýshiligin joqqa shyǵardy

Foto: EK

Májilis depýtaty Ashat Aımaǵambetov «Astana» telearnasynyń SHYNDYK LIVE baǵdarlamasyna bergen suhbatynda muǵalimderdiń jalaqysy, pedagogtardyń jetispeýshiligi men bilim berý salasyndaǵy máseleler jóninde aıtty, dep jazdy qandastar.kz

«Biz muǵalimderdiń aılyǵyn úsh ese kóterdik. Búgin olar basqa sektorda jumys isteıtin adamdardan, tipti kórshi elderdegi áriptesterinen joǵary jalaqy alady», – deıdi depýtat.

Alaıda 10 myń pedagog jetispeıtini týraly áńgimeniń shyndyqqa janaspaıtynyn aıtady. Onyń sózinshe Astana sııaqty iri qalalarda qazaq tili men dene shynyqtyrý muǵalimderine vakansııa jetispeıdi. Synyptar biriktirilgen, oqý saǵaty az aýyldyq jerlerdegi shaǵyn mektepterde shynymen muǵalim jetispeýshiligi bar. Ol mektepterde júkteme az. Qandaı matematıka nemese aǵylshyn páni muǵalimi 0,5 stavkaǵa jumys isteýge keledi?

«Jyl saıyn pedagogıkalyq baǵyttaǵy joǵary oqý oryndary 40 myńǵa jýyq muǵalim daıyndap shyǵarady. Biraq olardyń kóbi, ásirese dene shynyqtyrý jáne qazaq tili mamandary jumys taba almaıdy. Sebebi naryqta bul mamandar kóp», – dedi ol.