Depýtat muǵalimderdiń jalaqysyn kóterý qajettigin aıtty

Foto: AMANAT partııasynyń baspasóz qyzmeti

Depýtat bul máseleni Úkimet basshysyna joldaǵan saýalynda kóterdi, dep jazdy qandastar.kz

Tehnıkalyq jáne kásiptik bilim berýdiń jan basyna shaqqandaǵy qarjylandyrý normatıvin ulǵaıtý qajet. Oqý sheberhanalaryn zamanaýı materıaldyq-tehnıkalyq bazamen jabdyqtaý ózekti, – dep aıtty depýtat.

Aıtýynsha, jumysshy mamandyqtaryn daıarlaýǵa zor úles qosyp júrgen óndiris sheberleriniń aılyq jalaqysyn ósirý qajet.

Kolledjderde jalpy bilim beretin pánderdiń pedagogteriniń jalaqysyn mekteptegi pedagogterdiń jalaqysymen teńestirý ózekti. Sonymen qatar, kolledjderde eńbek etetin pedagogtarǵa magıstr, PhD ǵylymı ataqtary úshin ústeme aqy qarastyrý qajet, – dep usyndy Juldyz Súleımenova.