الەم جاڭالىقتارىجاڭالىقتار
دەپۋتات نازارباەۆ پەن پۋتينمەن كەزدەسۋىنىڭ استارىندا نە جاتقانىن ايتتى
فوتو: elorda.info
ءماجىلىس دەپۋتاتى, ساياساتكەر ەرلان سايروۆ نۇرسۇلتان نازارباەۆ پەن ۆلاديمير پۋتينمەن كەزدەسۋىنىڭ استارىندا نە جاتقانىن ايتتى, دەپ جازادى qandastar.kz
«قازاقستاندا رەۆانشيستتىك كۇشتەر ءداستۇرلى تۇردە جىلدىڭ اياعىندا «قوزا باستايدى». نۇرسۇلتان ءابىش ۇلى نازارباەۆ شەتەلگە شىعىپ كەلسە, ەل ىشىندە ءار-ءتۇرلى اقپاراتتىق, ساياسي دۇمپۋلەر بولۋى داستۇرگە اينالىپ وتىر. بۇل دا شىندىق. مىنە, ن. نازارباەۆ رەسەيگە جول تارتىپتى.
بۇل نەنى بىلدىرەدى? ەگەر نازار اۋدارساق, ەكى ايدا قازاقستان ىشىندە مەملەكەتكە, ناقتى قاسىم-جومارت توقاەۆقا قارسى اقپاراتتىق شابۋىلدار دا بولىپ جاتىر. بۇل تەندەنتسيانى «ساياسي سوقىر» عانا كورمەي وتىرعان شىعار. رەۆانشيستتەر قازاقستانداعى ءار-ءبىر وقيعانى مەملەكەتكە قارسى پايدالانۋعا تىرىسىپ وتىر!
وتكەن ەكى ايدىڭ ىشىندە قازاقستانعا ىشتەن دە, سىرتتان دا اقپاراتتىق شابۋىل ۇدەپ بارادى! بۇل سول قاڭتارداعى جەڭىلىس ءۇشىن رەۆاشيستتەردىڭ وش الۋعا تىرىسۋى!كونستيتۋتسيا بويىنشا, قازاقستان رەسپۋبليكاسىنىڭ سىرتقى ساياساتىن انىقتايتىن پرەزيدەنت! بۇگىنگى پرەزيدەنت قاسىم-جومارت توقاەۆ! بۇرىنعى پرەزيدەنتتىڭ مىنا تۋربۋلەنتتى زاماندا باسقا مەملەكەتتىڭ باسشىسىمەن كەزدەسۋىن قالاي تۇسىنۋگە بولادى? 2022-جىلى قاڭتار وقيعالارىنان كەيىن «مەن زەينەتكە شىققانمىن, بارلىق وكىلەتتىلىكتى پرەزيدەنت قاسىم-جومارت توقاەۆقا تاپسىردىم» دەپ نۇرسۇلتان نازارباەۆتىڭ ءوزى مالىمدەگەن! «ەندى ساياساتپەن اينالىسپايمىن!» دەپ تاعى بىرنەشە مارتە مالىمدەدى! الدە, زەينەتكە شىققاننان كەيىن نۇرسۇلتان ءابىش ۇلىندا «ۇمىتشاقتىق» پايدا بولدى ما ەكەن? وندا نۇرسۇلتان ءابىش ۇلىنا نازارباەۆتار جانۇياسىنا قاتىستى كوررۋپتسيالىق ماسەلەلەر بويىنشا سۇراقتاردىڭ تاۋسىلماعاندىعىن, قاڭتار وقيعاسىنىڭ ناقتى سەبەپتەرى بويىنشا دا سۇراقتاردىڭ بار ەكەندىگىن, «نازارباەۆ فوندىنىڭ» تابيعاتىن دا زەرتتەۋ مۇمكىن ەكەندىگىن جەتكىزۋ قاجەت ءتارىزدى! ەگەر دە, بۇگىنگى باسشىلىق وتكەن ساياسي رەجيمگە قاتىستى بارلىق سۇراقتاردى, ازىرشە قويماي وتىرسا, ول نۇرسۇلتان نازارباەۆتىڭ «اقساقال» رەتىندە تىنىشتىعىن المايىق دەگەن گۋمانيتارلىق فاكتور!
«كاپيتالدى قايتارۋ بويىنشا دا» قوسىمشا سۇراقتاردىڭ تەك قانا «نازارباەۆتار» جانۇياسىنا قاتىستى ەكەندىگىن قوعام ءتۇسىنىپ وتىر! وسىنداي اۋىر جۇكتى ارقالاپ الىپ, نەگە حالىقتى دۇرلىكتىرە بەرەتىندىگى تۇسىنىكسىز!مەن ايتارىم: «رەۆانشيزم نە پرويدەت!». «رەۆانشيزمگە جول جوق!». قازاقستاننىڭ تىنىشتىعى مەن بىرلىگىن رەۆانشيستتەردەن ساقتاۋ ءۇشىن بارلىق زاڭدى ادىستەردىڭ بارىنە بارامىز! سوندىقتان, زەينەتكە شىققاننان كەيىن, ەلگە بەينەت جاساماي, تىنىش جۇرگەن اقىل بولادى. «اقىلدى قارتايۋ دا ونەر ەكەن». ەلدىڭ تىنىشتىعىن بۇزعاندار وڭبايدى! بۇل انىق! بۇگىنگى مىنا الاي-دۇلەي زاماندا باستى ماقسات ەل بىرلىگى! قازاقستاننىڭ ساياسي تۇراقتىلىعى وتە ماڭىزدى اسپەكت.
ىنتىماق, ىقپالداستىق, جاسامپازدىعىمىز ارتا بەرسىن!», — دەپ جازدى ەرلان سايروۆ.
