Depýtat Nazarbaev pen Pýtınmen kezdesýiniń astarynda ne jatqanyn aıtty

Foto: elorda.info

Májilis depýtaty, saıasatker Erlan Saırov Nursultan Nazarbaev pen Vladımır Pýtınmen kezdesýiniń astarynda ne jatqanyn aıtty, dep jazady qandastar.kz

«Qazaqstanda revanshısttik kúshter dástúrli túrde jyldyń aıaǵynda «qoza bastaıdy». Nursultan Ábishuly Nazarbaev shetelge shyǵyp kelse,  el ishinde ár-túrli aqparattyq,  saıası dúmpýler bolýy  dástúrge aınalyp otyr. Bul da shyndyq. Mine,  N. Nazarbaev Reseıge jol tartypty.
Bul neni bildiredi? Eger nazar aýdarsaq, eki aıda  Qazaqstan ishinde memleketke, naqty Qasym-Jomart Toqaevqa qarsy aqparattyq shabýyldar da bolyp jatyr. Bul tendenııany «saıası soqyr» ǵana kórmeı otyrǵan shyǵar. Revanshıstter Qazaqstandaǵy ár-bir oqıǵany memleketke qarsy paıdalanýǵa tyrysyp otyr!
О́tken eki aıdyń ishinde Qazaqstanǵa ishten de, syrttan da aqparattyq shabýyl údep barady! Bul sol Qańtardaǵy jeńilis úshin revashıstterdiń  ósh alýǵa tyrysýy!

Konstıtýııa boıynsha, Qazaqstan Respýblıkasynyń syrtqy saıasatyn anyqtaıtyn Prezıdent! Búgingi Prezıdent Qasym-Jomart Toqaev! Burynǵy Prezıdenttiń  myna týrbýlentti zamanda basqa memlekettiń basshysymen kezdesýin qalaı túsinýge bolady? 2022-jyly Qańtar oqıǵalarynan keıin «Men zeınetke shyqqanmyn, barlyq ókilettilikti Prezıdent Qasym-Jomart Toqaevqa tapsyrdym» dep Nursultan Nazarbaevtyń ózi málimdegen! «Endi saıasatpen aınalyspaımyn!» dep taǵy birneshe márte málimdedi! Álde, zeınetke shyqqannan keıin Nursultan Ábishulynda «umytshaqtyq» paıda boldy ma eken? Onda  Nursultan Ábishulyna Nazarbaevtar januıasyna qatysty korrýpııalyq máseleler boıynsha suraqtardyń taýsylmaǵandyǵyn, Qańtar oqıǵasynyń naqty sebepteri boıynsha da suraqtardyń bar ekendigin, «Nazarbaev Fondynyń» tabıǵatyn da zertteý múmkin ekendigin jetkizý qajet tárizdi! Eger de, Búgingi Basshylyq ótken saıası rejımge qatysty barlyq suraqtardy,  ázirshe qoımaı otyrsa, ol Nursultan Nazarbaevtyń «Aqsaqal» retinde tynyshtyǵyn almaıyq degen gýmanıtarlyq faktor!
«Kapıtaldy qaıtarý boıynsha da» qosymsha suraqtardyń tek qana «Nazarbaevtar» januıasyna qatysty ekendigin qoǵam túsinip otyr! Osyndaı aýyr júkti arqalap alyp, nege halyqty dúrliktire beretindigi túsiniksiz!

Men aıtarym: «Revanshızm ne proıdet!». «Revanshızmge jol joq!». Qazaqstannyń tynyshtyǵy men birligin revanshıstterden saqtaý úshin barlyq zańdy ádisterdiń bárine baramyz! Sondyqtan,  zeınetke shyqqannan keıin, elge beınet jasamaı, tynysh júrgen aqyl bolady. «Aqyldy qartaıý da óner eken». Eldiń tynyshtyǵyn buzǵandar ońbaıdy! Bul anyq! Búgingi myna alaı-dúleı zamanda basty maqsat El Birligi! Qazaqstannyń saıası turaqtylyǵy óte mańyzdy aspekt.
Yntymaq,  Yqpaldastyq, Jasampazdyǵymyz arta bersin!», — dep jazdy Erlan Saırov.