Depýtat Nazarbaev ýnıversıtetindegi jaǵdaıdy baıandady

Májilis depýtaty Ashat Aımaǵambetov «Nazarbaev ýnıversıtetiniń» dekan laýazymyna otandyq mamandardy almaıtynyna shúılikti, dep habarlaıdy Skifnews.kz aqparat portaly.

Jaqynda depýtat jańa rektormen kezdesip, ýnıversıtetke qatysty birqatar jaıtty ańǵarǵan.

«Qazirgi basshylyq reıtıngterge basymdyq berip otyr. Ýnıversıtet tek reıtıng úshin jumys isteı bastaǵanda, basty nazar basqa baǵytqa aýysady. Iá, halyqaralyq tizimderde joǵary oryn alý – bedel men mártebe turǵysynan mańyzdy. Biraq bilim berý júıesinde basqa da kórsetkishter eskerilýi tıis. Onyń ústine, búgingi nátıjeler osydan 5–6 jyl burynǵy jumystyń jemisi», – dep jazdy ol Telegram arnasyndaǵy paraqshasynda.

Sózinshe, ýnıversıtet alǵash qurylǵanda sheteldik professorlar men menedjerlerdiń kómegimen damydy.

«Alǵashqy kezeńde bul oryndy sheshim boldy. Biraq 15 jyldan astam ýaqyt ótti. Logıkalyq turǵydan alǵanda, qazaqstandyq ǵalymdar men basqarýshylardyń akademııalyq ortaǵa birtindep ıntegraııalanýyn kútýimiz kerek edi. Árıne, sheteldik professorlar men basshylardyń úlesi saqtalýy kerek, biraq qazaqstandyq mamandar úshin de múmkindikter jasalýy tıis. Bul jerde de balans qajet», – dep atap ótti depýtat.

Ashat Aımaǵambetov qazaqstandyq qyzmetkerler áli kúnge deıin negizinen ákimshilik bloktarda jumys isteıtinin jektizdi. Iaǵnı, olar kóbinese kómekshi personal retinde ǵana qyzmet atqaratyn kórinedi.

«Al bizde Lıga plıýщa, Oksford, MIT jáne álemniń jetekshi ýnıversıtetterinde bilim alǵan, tájirıbe jınaqtaǵan joǵary deńgeıli mamandar bar. Nege olar Nazarbaev Ýnıversıtetiniń akademııalyq negiziniń bir bóligi bola almaıdy? Qazirgi ýaqytta ýnıversıtettegi dekandardyń ishinen tek bireýi ǵana – Qazaqstan azamaty. Provost nemese basqa fakýltet dekandary qazaqstandyq emes», – dedi Májilis depýtaty.

Foto:informburo

Májilismen Nazarbaev Ýnıversıteti eldiń bilim berý ekojúıesiniń ajyramas bóligi bolǵysy kelse, onda jabyq klýb modelinen bas tartýy tıis ekenin basa aıtty, dep jazdy qandastar.kz

«Qazaqstandyq ǵalymdar men basqarýshylardy belsendi túrde tartýy kerek. О́z tájirıbesin keńirek taratyp, qazaqstandyq mektepter men joǵary oqý oryndarymen tyǵyz yntymaqtastyq ornatýy qajet», — dep usyndy depýtat.