دەپۋتات پەرۋاشەۆ شەتەلدىك ماركەتپلەيستەرگە شۇيلىكتى. 

فوتو: Ulysmedia.kz

دەپۋتات پەرۋاشەۆ شەتەلدىك ماركەتپلەيستەرگە شۇيلىكتى. قىتايدىڭ ونلاين-الاڭدارى ءۇشىن جۇماق مەكەنگە اينالعان. ولاردىڭ بيۋدجەتكە قوساتىن ۇلەسى كوك تيىن, سولاردىڭ كەسىرىنەن وتاندىق بيزنەس تە سورلاپ وتىر, دەپ جازدى qandastar.kz

دەپۋتاتتىڭ مالىمەتىنشە, شەتەلدىك پلاتفورمالار 200 ەۋروعا دەيىنگى تاۋاردى كەدەندىك تولەمنەن بوساتاتىن ەرەجەنى پايدالانىپ, نسد مۇلدە تولەمەيدى. ەسەسىنە, قازاق كاسىپكەرلەرى 16,3 پايىزدان 62 پايىزعا دەيىنگى سالىق اۋىرتپالىعىن ارقالاۋعا ءماجبۇر.

پەرۋاشەۆ «2023 جىلى ءدال وسى شەتەلدىك كومپانيالاردىڭ ندس تولەۋدەن جالتارۋى سالدارىنان ەل بيۋدجەتى 60 ميلليارد تەڭگەدەن استام قاراجاتتان قاعىلدى» دەگەن دەرەك كەلتىردى.

دەپۋتات بىرنەشە ۇسىنىس ايتىپ وتىر. بىرىنشىدەن, قازاقستان نارىعىندا جۇمىس ىستەگىسى كەلەتىن شەتەلدىك ماركەتپلەيستەردى ءبىزدىڭ سالىق ورگاندارىنا مىندەتتى تۇردە تىركەۋدى تالاپ ەتۋ كەرەك. ەكىنشىدەن, ولار ەلىمىزدەگى تۇتىنۋشىلاردان تۇسكەن كىرىستەرىنە ندس جانە باسقا دا تولەمدەردى راسىمدەۋى ءتيىس. ۇشىنشىدەن, وتاندىق ەلەكتروندى ساۋدانى قولداۋ شارالارىن كەڭەيتىپ, حالىقارالىق تولەم جۇيەلەرىمەن بىرلەسىپ جۇمىس ىستەۋگە, قىزمەت پەن لوگيستيكانى جەڭىلدەتۋگە جاعداي جاساۋ قاجەت. «مۇنداي قادامداردى قولعا المايىنشا, قازاقتىڭ كاسىپكەرلەرى ەڭسە تىكتەي المايدى.

اشكەرە تەلەگرام ارناسى حابارلاعانداي, شەتەلدىك باسەكەلەستەر اسا جەڭىل تالاپپەن نارىق ۇلەسىن ۇلعايتا بەرەدى», — دەيدى پەرۋشاەۆ. ونىڭ ويىنشا, مەملەكەت سىرتقى پلاتفورمالارعا دا ناقتى سالىق مىندەتتەمەسىن جۇكتەسە, بيۋدجەت كىرىسى ارتىپ, ادىلەتسىزدىك ازايار ەدى.