Depýtat Perýashev sheteldik márketpleısterge shúılikti. 

Foto: Ulysmedia.kz

Depýtat Perýashev sheteldik márketpleısterge shúılikti. Qytaıdyń onlaın-alańdary úshin jumaq mekenge aınalǵan. Olardyń bıýdjetke qosatyn úlesi kók tıyn, solardyń kesirinen otandyq bıznes te sorlap otyr, dep jazdy qandastar.kz

Depýtattyń málimetinshe, sheteldik platformalar 200 eýroǵa deıingi taýardy kedendik tólemnen bosatatyn erejeni paıdalanyp, NSD múlde tólemeıdi. Esesine, qazaq kásipkerleri 16,3 paıyzdan 62 paıyzǵa deıingi salyq aýyrtpalyǵyn arqalaýǵa májbúr.

Perýashev «2023 jyly dál osy sheteldik kompanııalardyń NDS tóleýden jaltarýy saldarynan el bıýdjeti 60 mıllıard teńgeden astam qarajattan qaǵyldy» degen derek keltirdi.

Depýtat birneshe usynys aıtyp otyr. Birinshiden, Qazaqstan naryǵynda jumys istegisi keletin sheteldik marketpleısterdi bizdiń salyq organdaryna mindetti túrde tirkeýdi talap etý kerek. Ekinshiden, olar elimizdegi tutynýshylardan túsken kiristerine NDS jáne basqa da tólemderdi rásimdeýi tıis. Úshinshiden, otandyq elektrondy saýdany qoldaý sharalaryn keńeıtip, halyqaralyq tólem júıelerimen birlesip jumys isteýge, qyzmet pen logıstıkany jeńildetýge jaǵdaı jasaý qajet. «Mundaı qadamdardy qolǵa almaıynsha, qazaqtyń kásipkerleri eńse tikteı almaıdy.

Áshkere telegram arnasy habarlaǵandaı, sheteldik básekelester asa jeńil talappen naryq úlesin ulǵaıta beredi», — deıdi Perýshaev. Onyń oıynsha, memleket syrtqy platformalarǵa da naqty salyq mindettemesin júktese, bıýdjet kirisi artyp, ádiletsizdik azaıar edi.