Depýtat prank jasaıtyn blogerlerge shúılikti

Foto: ashyq derekkóz

Májilis depýtaty Maqsat Málikuly Tolyqbaev Ishki ister mınıstri Erjan Sadenovke depýtattyq saýal joldap, qoǵamdyq qaýipsizdikke tikeleı qater tóndirip otyrǵan jaıttarǵa naqty sharalar qabyldaýdy surady.

Halyq qalaýlysy óz saýalynda sońǵy ýaqytta qoǵamda kúsh qoldaný, pyshaqtasý, arnaıy jasaqqa elikteý syndy jalǵan prank kontentterdiń kóbeıip, el ishinde úreı týǵyzǵanyna nazar aýdardy. Depýtat bul áreketterdiń azamattardyń psıhologııalyq qaýipsizdigi men eldiń halyqaralyq ımıdjine aıtarlyqtaı zııan keltirip otyrǵanyn aıtty.

Depýtat Sherzat Polattyń qazasy týraly aıtty. 16 jastaǵy balanyń jaýyzdyqpen óltirilýi eldi dúr silkindirgen edi. Depýtattyń aıtýynsha, qaskóılerdiń tergeý ızolıatorynda jeńildikpen otyrýy qoǵamda «aqshaly adam jazadan sytylyp kete me?» degen kúmán týdyrǵan.

«16 jasar balany aıaýsyz óltirgender qatań jazaǵa tartylýy keregin talap ettik. Aǵaıynnyń keýdesin ashý kernep otyrǵanda Sherzattyń ólimine kúdikti retinde qamalǵandardyń ýaqytsha ustaý ızolıatorynda án tyńdap, tátti jep, uıaly telefon paıdalanyp, ýaıymsyz oınap-kúlgenin kórdik. Jurt jaǵasyn ustady, artynsha qyzmetkerler jazalandy. Biraq bul «aqshasy bardyń abaqtydada murtyn balta shappaıdy degen ras eken-aý» degen oıǵa qaldyrdy. Jýyrdy atalǵan is boıynsha sot bastaldy. Aıyptaý aktisin oqyǵan prokýror eldiń esin ekeý, túsin tórteý qyldy. Qaskóıler anasy men ájesiniń kózinshe Sherzattyń júrek tusyna pyshaq suǵyp, artynsha basynan myltyqtyń dúmimen urǵan. Bul sumdyqty kózimen kórip balasyna kómektespek bolǵan anany taǵy eki qaskóı jibermeı ustap turǵan. Bul sumdyq emes pe? Qaýipsiz qoǵamdy qaýip-qaterdiń ortasyna aınaldyrǵandar ýaqytynda nege jazasyn almaǵan? Suraq kóp. Sherzattyń qazasyna qatysty sot onlaın ótsin degen talabymyz oryndaldy. Endi sheshimniń ádil bolýyn jaýapty organdar qamtamassyz etýi shart», – dedi depýtat.

Ol sondaı-aq Jambyl oblysy Merki aýdanynda bolǵan taǵy bir aýyr oqıǵany tilge tıek etti. Shetel azamaty – motoıklshiniń kúndiz beınekameralardyń kóz aldynda eki márte pyshaqtalýy – el ishindegi tártip pen qaýipsizdik deńgeıine qatysty úlken suraq týǵyzdy.

Tolyqbaev sońǵy jyldary áleýmettik jelilerde tarap jatqan agressıvti «prank» beınerolıkterdiń qaýiptiligin erekshe atap ótti. Onda akterler jalǵan pyshaqtasý, tóbeles jáne arnaıy jasaqqa elikteý arqyly qoǵamda dúrbeleń týǵyzatyn kórinisterdi shynaıy túsirip, ony «ázil» dep aqtap shyǵady.

«Jalǵan pyshaqpen oınap júrgender jurtty shoshytyp júr. Endi bireý pyshaq ala júgirse, bul shyn ba, álde prank pa dep qarap turýymyz kerek pe? Oıynnan ot shyǵady. Mundaı áreketter – zańmen qatań rettelýi tıis», – dedi depýtat.

Depýtattyń aıtýynsha, arnaıy jasaqtyń kıimine uqsas formalardy kıip, jalǵan qujat kórsetip, adamdardy «quryqtap», keıinnen barlyǵyn prank dep túsindiretin áreketter – qoǵamdaǵy úreıdi arttyryp otyr. Mundaı ázilder adam densaýlyǵyna da qaýip tóndiredi.

«Qaljyńdamaq bolǵan adamnyń qan qysymy kóterilip, júrek talmasy ustasa, kim jaýapty?» – dep surady ol.

Tolyqbaev IIM vıe-mınıstriniń prank jasaýshylar kıimderiniń arnaıy qyzmet formasyna uqsamaıtyny jónindegi jaýabymen kelispeıtinin bildirip, halyqqa ondaı aıyrmashylyqty ajyratý qıyn ekenin aıtty.

Depýtat mınıstrlikke naqty usynys aıtty:

1. Qaýipti prank kontentterdiń avtorlaryn anyqtap, olarǵa qatań eskertý berý;
2. Olardyń qolyndaǵy jalǵan qarý-jaraqtardy tárkileý;
3. Quqyq qorǵaý organdarynyń bedelin túsiretin áreketterdi zańmen shekteý;
4. Azamattardyń psıhologııalyq qaýipsizdigin qamtamasyz etý boıynsha shara qabyldaý.

«Adam qorqytýdy, arnaıy operaııaǵa elikteýdi oıynǵa aınaldyrǵandardy júgendeıtin kez keldi. Bul – eldiń qaýipsizdigi men tynyshtyǵy úshin qajet», – dedi Maqsat Tolyqbaev.