دەپۋتات: پرەزيدەنتتىڭ جاڭا سالىق كودەكسىن قابىلداۋدى كەيىنگە قالدىرۋى بەكەر ەمەس

فوتو: اشىق دەرەككوز

مەملەكەت باسشىسى وتاندىق بيزنەس وكىلدەرىمەن كەزدەسۋدە ۇكىمەتكە قوسىمشا قۇن سالىعى ماسەلەسىن تاعى دا پىسىقتاۋدى تاپسىرىپ وتىر. بۇعان قاتىستى ءماجىلىس دەپۋتاتى نيكيتاي شاتالوۆ مىناداي وي قوستى. ونىڭ ايتۋىنشا, پرەزيدەنت ۇكىمەتتىڭ ققس مولشەرلەمەسىن 20% — عا دەيىن كوتەرۋ تۋرالى ۇسىنىسىنا ناقتى باعا بەردى, دەپ جازادى qandastar.kz

«مۇنداي شارانىڭ سالدارى قازىردىڭ وزىندە ەگجەي-تەگجەيلى سيپاتتالعان. ينفلياتسيانىڭ ءوسۋى, بازالىق دەڭگەيگە قوسىمشا 4,5%, ول جاقىندا ججم باعاسىن ىرىقتاندىرۋ جانە تاريفتەردىڭ جوعارىلاۋىنا بايلانىستى وسۋدە. ارينە, ايتىلعان پارامەترلەر باستاپقى پوزيتسيا بولدى, بىراق ەكىنشى جاعىنان, پىكىرتالاسسىز اتقارۋشى بيلىك بيۋدجەتتى وڭتايلاندىرۋ مەن باسقارۋدى قيىنداتۋدان گورى سالىقتى كوبەيتۋدى تاڭدايدى.

مەملەكەت باسشىسىنان تەك ققس-عا قاتىستى ءبىر ۇسىنىس ايتىلدى – ول ستاۆكانى ديففەرەنتسياتسيالاۋ. بۇل جاناما سالىق بولعاندىقتان, ول كوبىنەسە سوڭىندا تۇتىنۋشى باعاسىنا قوسىلادى. سوندىقتان قوعام ءۇشىن ەڭ سەزىمتال سالالار تومەندەتىلگەن ستاۆكامەن سالىقتاندىرىلۋى ءتيىس. بۇل تۋرالى ۆيتسە-پرەمەر جۇمانگارين دە ايتتى. بىراق مۇندا ققس-نى بۇكىل تىزبەك بويىنشا ەسەپتەۋدىڭ مەحانيزمى ماڭىزدى, سەبەبى قازاقستاندا ول  كوبىنەسە ساتىلىم سالىعىنا اينالىپ كەتكەن», – دەپ جازدى دەپۋتات تەلەگرام ارناسىندا.

سونىمەن قاتار شاتالوۆ سالىقتا شاتاعى جوعىن, الايدا بۇل جۇيە وڭتايلاندىرۋدى قاجەت ەتەتىن جەتكىزدى. دەپۋتاتتىڭ پىكىرىنشە, الدىمەن,  بارلىق پروتسەدۋرالاردى جەڭىلدەتەتىن جالپى تسيفرلاندىرۋ قاجەت. تاعى ءبىر ماڭىزدى ماسەلە – سالىق بازاسىن كەڭەيتۋ. قىتايمەن شەكارادا, كەدەندىك باج سالىعىندا نە بولىپ جاتقانىن دا باعدارلاعان دۇرىس.

«داۋلاسۋدىڭ ءجونى جوق. الايدا الدا «كۇيزەلىس» ورىن الۋى مۇمكىن, اقش-تاعى مۇناي ءوندىرىسىنىڭ ارتۋى تۋرالى بولجامدار تاعى بار. بىراق ءبىز بيزنەستىڭ وركەندەۋىنە مۇمكىندىك بەرسەك, بۇل كەدەرگىلەردى اينالىپ وتە الامىز. سوندىقتان سالىق رەفورماسى كۇردەلى تاقىرىپ بولىپ قالا بەرەدى. پرەزيدەنتتىڭ جاڭا كودەكستى قابىلداۋدى ءبىر جىلعا كەيىنگە قالدىرۋى دا بەكەر ەمەس», – دەدى ن.شاتالوۆ.