Депутат: Президенттің жаңа салық кодексін қабылдауды кейінге қалдыруы бекер емес

Фото: ашық дереккөз

Мемлекет басшысы отандық бизнес өкілдерімен кездесуде Үкіметке қосымша құн салығы мәселесін тағы да пысықтауды тапсырып отыр. Бұған қатысты Мәжіліс депутаты Никитай Шаталов мынадай ой қосты. Оның айтуынша, Президент Үкіметтің ҚҚС мөлшерлемесін 20% — ға дейін көтеру туралы ұсынысына нақты баға берді, деп жазады qandastar.kz

«Мұндай шараның салдары қазірдің өзінде егжей-тегжейлі сипатталған. Инфляцияның өсуі, базалық деңгейге қосымша 4,5%, ол жақында ЖЖМ бағасын ырықтандыру және тарифтердің жоғарылауына байланысты өсуде. Әрине, айтылған параметрлер бастапқы позиция болды, бірақ екінші жағынан, пікірталассыз атқарушы билік бюджетті оңтайландыру мен басқаруды қиындатудан гөрі салықты көбейтуді таңдайды.

Мемлекет басшысынан тек ҚҚС-ға қатысты бір ұсыныс айтылды – ол ставканы дифференциациялау. Бұл жанама салық болғандықтан, ол көбінесе соңында тұтынушы бағасына қосылады. Сондықтан қоғам үшін ең сезімтал салалар төмендетілген ставкамен салықтандырылуы тиіс. Бұл туралы вице-премьер Жұмангарин де айтты. Бірақ мұнда ҚҚС-ны бүкіл тізбек бойынша есептеудің механизмі маңызды, себебі Қазақстанда ол  көбінесе сатылым салығына айналып кеткен», – деп жазды депутат телеграм арнасында.

Сонымен қатар Шаталов салықта шатағы жоғын, алайда бұл жүйе оңтайландыруды қажет ететін жеткізді. Депутаттың пікірінше, алдымен,  барлық процедураларды жеңілдететін жалпы цифрландыру қажет. Тағы бір маңызды мәселе – салық базасын кеңейту. Қытаймен шекарада, кедендік БАЖ салығында не болып жатқанын да бағдарлаған дұрыс.

«Дауласудың жөні жоқ. Алайда алда «күйзеліс» орын алуы мүмкін, АҚШ-тағы мұнай өндірісінің артуы туралы болжамдар тағы бар. Бірақ біз бизнестің өркендеуіне мүмкіндік берсек, бұл кедергілерді айналып өте аламыз. Сондықтан салық реформасы күрделі тақырып болып қала береді. Президенттің жаңа кодексті қабылдауды бір жылға кейінге қалдыруы да бекер емес», – деді Н.Шаталов.