دەپۋتات: سالىقتاردى قاراپايىم حالىققا ارتۋ ادىلەتتى ەمەس

فوتو: جەكە قورىنان

دەپۋتاتتىڭ ايتۋىنشا, سالىق كودەكسىنىڭ جاڭا جوباسىنداعى نورما قابىلدانسا, اقشا اۋدارىمدارى 12 پايىزعا قىمباتتايدى.

بۇل تۋرالى دەپۋتات ءوزىنىڭ تەلەگرام ارناسىندا جازعان, دەپ حابارلايدى qandastar.kz اقپارات پورتالى.

اسحات ايماعامبەتوۆ جاڭا سالىق كودەكسىنىڭ جوباسىندا قاراستىرىلعان قارجىلىق قىزمەتتەرگە قوسىلعان قۇن سالىعىن ەنگىزۋ ناتيجەسىندە بانك قىزمەتتەرى ەداۋىر ءوسۋى مۇمكىن ەكەنىن ايتىپ وتىر.

– كارتادان كارتاعا اۋدارىپ ەدىم, كوميسسيا 150 تەڭگە بولدى. ەگەر سالىق كودەكسىنىڭ جاڭا جوباسىندا ۇسىنىلعان نورما قابىلدانسا, مۇنداي اۋدارىمدار 12 پايىزعا قىمباتتاۋى مۇمكىن. ەكونوميكا مينيسترلىگىنىڭ بارلىق تولەم وپەراتسيالارىنا قوسىمشا قۇن سالىعىن سالۋ جوسپارى تۋرالى ايتىپ وتىرمىن. پلاستيك كارتالار قولدانۋ, كارتادان كارتاعا, شوتتان شوتقا اۋدارۋ, اۋدارىمدار جانە بانك قىزمەتتەرى ايتارلىقتاي قىمباتتاۋى عاجاپ ەمەس, – دەپ جازعان ول الەۋمەتتىك جەلىدەگى پاراقشاسىندا.

دەپۋتات اتالعان جايتقا بايلانىستى تۇزەتۋلەر ەنگىزۋدى ۇسىنعان. ويتكەنى, مۇنداي سالىقتاردى قاراپايىم حالىققا ارتۋ ادىلەتتىلىك ەمەس.

– بانكتەر شىعىندى كليەنتتەر ەسەبىنەن وتەۋ مۇمكىندىگىن ەشقاشان جىبەرمەيدى. بۇل قايىرىمدىلىق ۇيىمدارى ەمەس. بۇل نورماعا ۇلتتىق بانك, قارجىگەرلەر قاۋىمداستىعى, ساراپشىلار, ءتىپتى «اتامەكەن» دە جۇمىس توبىندا قارسى شىقتى. دەگەنمەن, ەكونوميكا مينيسترلىگى ونى سوندا دا كودەكس جوباسىنا ەنگىزدى. مۇنداي وزگەرىستەر ءبىزدىڭ شىعىندارىمىزدى ارتتىرىپ قانا قويماي, قارجى جۇيەسىنە دەگەن سەنىمدى السىرەتەدى. بۇل باستاما بارىنە قاتىستى. سونداي-اق, ءبىز بۇل ەرەجەنى وزگەرتۋ ءۇشىن تۇزەتۋلەر ەنگىزۋدى ۇسىندىق. مۇنداي سالىقتار قاراپايىم حالىقتىڭ يىعىنا ارتۋ قانشالىقتى ادىلەتتى? – دەيدى ول.