Depýtat: Salyqtardy qarapaıym halyqqa artý ádiletti emes

Foto: jeke qorynan

Depýtattyń aıtýynsha, Salyq kodeksiniń jańa jobasyndaǵy norma qabyldansa, aqsha aýdarymdary 12 paıyzǵa qymbattaıdy.

Bul týraly depýtat óziniń telegram arnasynda jazǵan, dep habarlaıdy qandastar.kz aqparat portaly.

Ashat Aımaǵambetov jańa Salyq kodeksiniń jobasynda qarastyrylǵan qarjylyq qyzmetterge qosylǵan qun salyǵyn engizý nátıjesinde bank qyzmetteri edáýir ósýi múmkin ekenin aıtyp otyr.

– Kartadan kartaǵa aýdaryp edim, komıssııa 150 teńge boldy. Eger Salyq kodeksiniń jańa jobasynda usynylǵan norma qabyldansa, mundaı aýdarymdar 12 paıyzǵa qymbattaýy múmkin. Ekonomıka mınıstrliginiń barlyq tólem operaııalaryna qosymsha qun salyǵyn salý jospary týraly aıtyp otyrmyn. Plastık kartalar qoldaný, kartadan kartaǵa, shottan shotqa aýdarý, aýdarymdar jáne bank qyzmetteri aıtarlyqtaı qymbattaýy ǵajap emes, – dep jazǵan ol áleýmettik jelidegi paraqshasynda.

Depýtat atalǵan jaıtqa baılanysty túzetýler engizýdi usynǵan. О́ıtkeni, mundaı salyqtardy qarapaıym halyqqa artý ádilettilik emes.

– Bankter shyǵyndy klıentter esebinen óteý múmkindigin eshqashan jibermeıdi. Bul qaıyrymdylyq uıymdary emes. Bul normaǵa Ulttyq bank, Qarjygerler qaýymdastyǵy, sarapshylar, tipti «Atameken» de jumys tobynda qarsy shyqty. Degenmen, Ekonomıka mınıstrligi ony sonda da kodeks jobasyna engizdi. Mundaı ózgerister bizdiń shyǵyndarymyzdy arttyryp qana qoımaı, qarjy júıesine degen senimdi álsiretedi. Bul bastama bárine qatysty. Sondaı-aq, biz bul erejeni ózgertý úshin túzetýler engizýdi usyndyq. Mundaı salyqtar qarapaıym halyqtyń ıyǵyna artý qanshalyqty ádiletti? – deıdi ol.