Bilim
Depýtat: Semeıdegi jaıt «Pedagog mártebesi» zańynyń buzylǵanyn kórsetedi
Foto: ashyq derekkóz
Semeıde jańajyldyq shyrshany bezendirgen muǵalim bıikten qulap, aýrýhanaǵa tústi. Bul jaǵdaıǵa qatysty Májilis depýtaty Ashat Aımaǵambetov pikir bildirdi, dep habarlady qandastar.kz
«Semeı qalasynda muǵalimderdi jańajyldyq shyrshany ornatýǵa tartyp, sonyń saldarynan bir muǵalimimizdiń aýyr jaraqat alǵany alańdatty. Mundaı jaǵdaıdy jaı ǵana “jańsaqtyq” dep qarastyrýǵa bolmaıdy.
«Pedagog mártebesi týraly» zańnyń 6-babynda naqty kórsetilgen: muǵalimderdi kásibı mindetterine jatpaıtyn jumystarǵa tartýǵa qatań tyıym salynady. Jańa jyldyq shyrsha ornatý, kóshe tazalaý, basqa da naýqandarǵa májbúrlep tartý sııaqty eski “dástúrlerden” birjola bas tartýymyz kerek. Bul – zańdy óreskel buzý.
Osy oqıǵa boıynsha naqty sharalar qajet:
- Oblys basshylyǵy bul jaǵdaıdy muqııat tergep, jaýapty tulǵalardy jazalaýy tıis.
- Muǵalimderge tikeleı mindetine jatpaıtyn jumystarǵa tartýdy toqtatý úshin mınıstrlik baqylaýdy kúsheıtýi qajet.
- Bilim basqarmalary men mektep ákimshilikteri muǵalimderdiń quqyqtaryn qatań saqtaý boıynsha mindetterin oryndaýy tıis.
Memleket basshysy árdaıym muǵalimderdiń mártebesin qorǵaý men olardyń quqyqtaryn saqtaý máselesin erekshe nazarda ustap keledi. Bizdiń mindetimiz – sol talaptardy oryndap, zańnyń jumys isteýin qamtamasyz etý. Mınıstrliktiń bul máseleni baqylaýǵa alǵany – úmit beredi.
Jaraqat alǵan áriptesimizge tezirek saýyǵyp ketýin tileımin», – dep jazdy Ashat Aımaǵambetov.
