Depýtat senatty taratqan jaǵdaıda kim prezıdenttikke úmitker bolatynyn aıtty

Foto: parlam.kz

Parlament kýlýarynda jýrnalıster depýtat Aıdos Sarymnan senatty qysqartqan jaǵdaıda elimizde prezıdenttikke ekinshi úmitker kim bolýy múmkin ekenin surady, dep  jazdy qandastar.kz

Bul týraly Stan.kz aqparat agenttigi habarlaıdy.

Depýtattyń aıtýynsha, Qazaqstannyń memlekettik qurylymy bir palataly nemese eki palataly parlamentke qaramastan, Prezıdenttik-Parlamenttik Respýblıka bolyp qala beredi. Senat joıylǵan jaǵdaıda prezıdenttikke májilis spıkeri úmitker bolýǵa tıis.

«Prezıdent ókilettigi toqtaǵan jaǵdaıda májilis spıkeri el basshysy bolýy múmkin. Qazir biz saılaý, partııalar týraly zańdy jumysqa qabyldap jatyrmyz. Menińshe, prezıdent týraly zańdy taǵy qarastyrý kerek.Naqty jazylǵan tártip bolýǵa tıis «, – deıdi depýtat.

Sarym elimizde prezıdent ókilettigin berý tártibi naqty zań júzinde jazylmaǵanyn aıtty. Ol fors-major jaǵdaıynda bıliktiń aýysýy ondaǵan sheneýnike  deıin jazylǵan AQSh-ty mysalǵa keltirdi.

«Onda 28-sheneýnikke deıin jazylǵan: eger senat spıkeri bas tartsa, eger kelesisi bas tartsa, tipti vıe-premerler men mınıstrlerge deıin. Meniń oıymsha, bolashaqta biz tarıhtyń qandaı bolatynyn, jaǵdaıdyń qalaı bolatynyn bilmeımiz, sondyqtan osy barlyq tártipti barynsha belgileý mańyzdy.

Áskerılerde nege kóp suraq týyndamaıdy deısiz, sebebi olarda konvertter dep atalatyndar bar, sol konvert ashylady, onda ne isteý kerektigi jazylǵan. Biz osy tártipti neǵurlym kóp eskersek, keleshekte soǵurlym az problema bolady «, — dep málimdedi Aıdos Sarym.

Aıta keteıik, Memleket basshysy Qasym-Jomart Toqaev Joldaý kezinde bir palataly parlament qurý týraly bastama kóterdi.