جاڭالىقتار
دەپۋتات شىمكەنتتەگى «جاس ۇلان» مەكتەبىن اسكەري كوللەدج ەتىپ وزگەرتۋدى سۇرادى
ءماجىلىس دەپۋتاتى, «AMANAT» پارتياسى فراكتسياسىنىڭ مۇشەسى سامات نۇرتازا كەڭەس وداعىنىڭ باتىرى, حالىق قاھارمانى, ارميا گەنەرالى ساعادات نۇرماعامبەتوۆ اتىنداعى اسكەري كوللەدجدەگى بىرقاتار پروبلەمالىق ماسەلەلەردى اتاپ, ۇكىمەت باسشىسىنا ساۋال جولدادى,
– «جاس ۇلان» شىمكەنت رەسپۋبليكالىق مەكتەبىن اسكەري كوللەدج ەتىپ وزگەرتۋگە رەسپۋبليكالىق بيۋدجەتتەن قوسىمشا قارجى ءبولۋ مۇمكىندىگىن قاراستىرۋدى;
– اسكەري كوللەدجدەر مەن «جاس ۇلان» رەسپۋبليكالىق مەكتەپتەرىنىڭ ءپان مۇعالىمدەرى مەن وقىتۋشىلارىن «ورلەۋ» بىلىكتىلىكتى ارتتىرۋ ۇلتتىق ورتالىعى مەن پەداگوگيكالىق شەبەرلىك ورتالىعىنىڭ فيليالدارىنداعى بىلىكتىلىكتى ارتتىرۋ كۋرستارىندا وتەۋسىز نەگىزدە وقىتۋ مۇمكىندىگىن قاراستىرۋدى;
– اسكەري كوللەدج كادەتتەرىنىڭ ارالاس جۇمىس بىلىكتىلىگىن الۋ ماسەلەسىن پىسىقتاۋدى;
– ساعادات نۇرماعامبەتوۆ اتىنداعى اسكەري كوللەدجدىڭ ەكىنشى كەزەكتەگى وبەكتىلەرىن سالۋ ءۇشىن جەر ۋچاسكەلەرىن الۋعا اقشالاي قاراجات ىزدەستىرۋ, بۇرىننان بار عيماراتتار مەن قۇرىلىس جايلارعا جەر ۋچاسكەسىن رەسىمدەۋ جانە كوللەدجگە تيەسىلى جەر ۋچاسكەسىندە تۇرعىن ءۇي كەشەنىن سالۋعا جول بەرمەۋ ماسەلەلەرىن جەدەلدەتىپ شەشۋدى سۇرايمىن», – دەدى ءماجىلىس دەپۋتاتى سامات نۇرتازا.
مەملەكەت باسشىسى قازاقستان حالقىنا جولداۋلارىندا قارۋلى كۇشتەر قاتارىن كاسىبي تۇرعىدان دايارلانعان, وتانىنا ادال قىزمەت ەتەتىن وفيتسەر كادرلارمەن جانە اسكەري قىزمەتشىلەرمەن جاساقتاۋ قاجەتتىگىن بىرنەشە مارتە اتاپ وتكەن بولاتىن.
