Depýtat Shymkenttegi «Jas Ulan» mektebin áskerı kolledj etip ózgertýdi surady

Májilis depýtaty, «AMANAT» partııasy frakııasynyń múshesi Samat Nurtaza Keńes Odaǵynyń Batyry, Halyq Qaharmany, armııa generaly Saǵadat Nurmaǵambetov atyndaǵy áskerı kolledjdegi birqatar problemalyq máselelerdi atap, Úkimet basshysyna saýal joldady,

– «Jas Ulan» Shymkent respýblıkalyq mektebin áskerı kolledj etip ózgertýge respýblıkalyq bıýdjetten qosymsha qarjy bólý múmkindigin qarastyrýdy;

– áskerı kolledjder men «Jas Ulan» respýblıkalyq mektepteriniń pán muǵalimderi men oqytýshylaryn «О́rleý» biliktilikti arttyrý ulttyq ortalyǵy men pedagogıkalyq sheberlik ortalyǵynyń fılıaldaryndaǵy biliktilikti arttyrý kýrstarynda óteýsiz negizde oqytý múmkindigin qarastyrýdy;

– áskerı kolledj kadetteriniń aralas jumys biliktiligin alý máselesin pysyqtaýdy;

– Saǵadat Nurmaǵambetov atyndaǵy áskerı kolledjdiń ekinshi kezektegi obektilerin salý úshin jer ýchaskelerin alýǵa aqshalaı qarajat izdestirý, burynnan bar ǵımarattar men qurylys jaılarǵa jer ýchaskesin resimdeý jáne kolledjge tıesili jer ýchaskesinde turǵyn úı keshenin salýǵa jol bermeý máselelerin jedeldetip sheshýdi suraımyn», – dedi Májilis depýtaty Samat Nurtaza.

Memleket basshysy Qazaqstan halqyna joldaýlarynda Qarýly Kúshter qataryn kásibı turǵydan daıarlanǵan, Otanyna adal qyzmet etetin ofıer kadrlarmen jáne áskerı qyzmetshilermen jasaqtaý qajettigin birneshe márte atap ótken bolatyn.