Depýtat sottalǵan kásipker Qaırat Boranbaevtyń paralımpıada komıtetiniń basshysy qyzmetine taǵaıyndalýyn synǵa aldy

Foto: jeke qorynan

Májilistiń jalpy otyrysynda Ábenov «bıýdjetten urlyq jasaǵany úshin» sottalǵan adamnyń prezıdenttiń qasynda qoǵamdyq sharalarǵa qatysýy durys emes ekenin aıtty, dep jazady  qandastar.kz

«Bıýdjetten urlyq jasaǵany úshin sottalǵan adam paralımpıada sportyna jetekshilik etip, el namysyn qorǵaıtyn bolsa, qoǵam qalaı qaraıdy? Múmkindigi shekteýli jandar arasynda sportty damytýdy aqsha urlaǵan adamǵa sený qanshalyqty durys», – deıdi depýtat.

Al sport mınıstri Myrzabosynov mınıstrliktiń Boranbaevtyń jumysyna shaǵymy joq ekenin aıtty. Onyń aıtýynsha, sońǵy jyldary elimizde paralımpıada sporty qarqyndy damyp keledi jáne bas hatshy resmı jáne halyqaralyq is-sharalarda komıtet atynan ókildik etedi.

«Sońǵy jyldary paralımpıada komıteti damý jolynda úlken jumys atqarýda. Basshylyqtyń aýysýyna keletin bolsaq, ony taǵaıyndaıtyn naqty atqarý komıteti bar. Búginde paralımpıada komıtetiniń jumysyna qatysty mınıstrlik tarapynan túsinispeýshilik joq. Qoǵamdyq uıymnyń jumysyna shaǵym joq», – dedi mınıstr.

Eske salsaq, 2023 jyldyń naýryz aıynda Astana soty Qaırat Boranbaevty kvazımemlekettik sektordan aqsha jymqyrǵany úshin segiz jylǵa bas bostandyǵynan aıyrdy. Keıinirek ekinshi satydaǵy sot onyń merzimin eki jylǵa qysqartty. Al 2023 jyldyń qarasha aıynda sot Boranbaevtyń memleketke keltirilgen zalaldy tolyǵymen ótegenin, tergeýge belsendi atsalysqanyn jáne istegen isine ókingenin eskerip ony túrmeden bosatty. 2024 jyldyń maýsym aıynda Qaırat Boranbaev Ulttyq paralımpıada komıtetiniń basshysy bolyp qaıta saılanǵan edi.