دەپۋتات تابىستىڭ 30 پايىزى كوممۋنالدىق قىزمەتكە جۇمسالاتىنىن ايتتى

ونىڭ ايتۋىنشا, ەل تۇرعىندارىنىڭ باسىم بولىگى كوممۋنالدىق قىزمەت اقىسىن تولەۋگە كوپ قاراجات جۇمسايمىز دەپ شاعىندانعان. بۇل, اسىرەسە, جىلىتۋ ماۋسىمىندا وتكىر سەزىلەدى. تابىسى تومەن ازاماتتار, اتاپ ايقاندا, حالىقتىڭ الەۋمەتتىك وسال توبىنا جاتاتىن از قامتىلعان وتباسىلار, زەينەتكەرلەر, مۇگەدەكتەر كومەك سۇراۋدا.

– زەينەتكەردىڭ حاتىن وقىپ بەرەيىن. «زەينەتكەرمىن, ەڭ تومەنگى زەينەتاقى رەتىندە 56 مىڭ تەڭگە الامىن. قاراپايىم اريفمەتيكا بويىنشا تابىسىمنىڭ 30 پايىزىن كوممۋنالدىق قىزمەتكە تولەيمىن. ەندى قالعان 40 مىڭ تەڭگەگە قالاي ءومىر سۇرۋگە بولادى? دارىگە جەتكىزەيىن بە, الدە, باعاسى اسپانداپ تۇرعان ازىق-ت ۇلىككە مە? قۇرمەتپەن, گەنادي الەكساندروۆيچ». مىنە, ۋاقىتىندا الەۋمەتتىك قولداۋ كورسەتىلمەيتىن ايماقتارداعى ناقتى جاعداي وسىنداي», – دەدى دەپۋتات.

ازاماتتاردىڭ بۇل ساناتى كوممۋنالدىق قىزمەتتەرگە اقى تولەۋ ءۇشىن جۇيەلى نەگىزدە مەملەكەتتەن «تۇرعىن ءۇي كومەگىن» الادى. الايدا, تۇرعىن ءۇي كومەگىن تاعايىنداۋدىڭ جاڭا قاعيدالارىنىڭ كۇشىنە ەنۋىنە بايلانىستى مينيسترلىك از قامتىلعان وتباسىلارعا الەۋمەتتىك قولداۋ كورسەتۋ ءتارتىبىن وزگەرتتى. ونىڭ سالدارى مىناداي:

«جاڭا ەرەجەلەرگە ساي تولەم الۋشى وتكەن توقساندا تۇرعىن ءۇي كومەگىن تاعايىنداۋ ءۇشىن شوتىن ۇسىنادى. ياعني, وتباسى الدىمەن شىعىندى وتەۋى ءتيىس. سودان كەيىن عانا تۇرعىن ءۇي كومەگىن ءار توقساندا ءوتىنىش بەرۋشىنىڭ شوتىن كورسەتۋ ارقىلى الا الادى. سالدارىنان تۇرعىن ءۇي كومەگىن الۋشىلار كوممۋنالدىق قىزمەتتى ۋاقىتىلى تولەي المايدى, ءوسىمپۇل تولەۋگە مىندەتتەلەدى», – دەدى دەپۋتات.

قۇدايبەرگەن بەكسۇلتانوۆتىڭ ايتۋىنشا, ءبىر عانا قاراعاندىنىڭ وزىندە مۇنداي تولەمدى الۋشىلاردىڭ سانى شەكسىز كوپ.

– وسى ەرەجەنى دايىنداعان شەنەۋنىك نە ويلاعانى تۇسىنىكسىز. تۇرعىن ءۇي جاردەماقىسىن الۋشىلاردىڭ نەگىزگى ساناتى – زەينەتكەرلەر. ولاردىڭ «قىزمەتتى ۋاقىتىلى تولەي المايمىن» دەپ الاڭدايتىن ەگدە جاستاعى ادامدار ەكەنىن ەسكەرۋ قاجەت. بۇل كومەكتى الار كەزدە مىناداي قيىندىقتار بار:

— كومەكتىڭ وسى ءتۇرىن تاعايىنداۋعا ءوتىنىش بەرگەن كەزدە تەتىك كۇردەلەنە تۇسەدى, سالدارىنان باس تارتۋعا نە قايتا ءوتىنىش بەرۋگە تۋرا كەلەدى. مىسالى, ەگەر وتباسىندا ەكى زەينەتكەر بولسا, تاعايىنداۋعا ءوتىنىش بەرگەن كەزدە وتباسىنىڭ باسقا مۇشەسى ەتسق كومەگىمەن وتىنىشكە كەلىسۋگە ءتيىس. بۇل تالاپ ارتىق;

— تۇرعىن ءۇي كومەگىن تاعايىنداۋ جونىندەگى ۋاكىلەتتى ورگان ءۇشىن قاجەتتىلىكتى, ەسەپتەردى قالىپتاستىرۋ كوزدەلمەگەن جانە تولەۋ ءۇشىن فۋنكتسيا جوق, – دەيدى ول.