Depýtat tabystyń 30 paıyzy kommýnaldyq qyzmetke jumsalatynyn aıtty

Onyń aıtýynsha, el turǵyndarynyń basym bóligi kommýnaldyq qyzmet aqysyn tóleýge kóp qarajat jumsaımyz dep shaǵyndanǵan. Bul, ásirese, jylytý maýsymynda ótkir seziledi. Tabysy tómen azamattar, atap aıqanda, halyqtyń áleýmettik osal tobyna jatatyn az qamtylǵan otbasylar, zeınetkerler, múgedekter kómek suraýda.

– Zeınetkerdiń hatyn oqyp bereıin. «Zeınetkermin, eń tómengi zeınetaqy retinde 56 myń teńge alamyn. Qarapaıym arıfmetıka boıynsha tabysymnyń 30 paıyzyn kommýnaldyq qyzmetke tóleımin. Endi qalǵan 40 myń teńgege qalaı ómir súrýge bolady? Dárige jetkizeıin be, álde, baǵasy aspandap turǵan azyq-túlikke me? Qurmetpen, Genadıı Aleksandrovıch». Mine, ýaqytynda áleýmettik qoldaý kórsetilmeıtin aımaqtardaǵy naqty jaǵdaı osyndaı», – dedi depýtat.

Azamattardyń bul sanaty kommýnaldyq qyzmetterge aqy tóleý úshin júıeli negizde memleketten «turǵyn úı kómegin» alady. Alaıda, turǵyn úı kómegin taǵaıyndaýdyń jańa qaǵıdalarynyń kúshine enýine baılanysty mınıstrlik az qamtylǵan otbasylarǵa áleýmettik qoldaý kórsetý tártibin ózgertti. Onyń saldary mynadaı:

«Jańa erejelerge saı tólem alýshy ótken toqsanda turǵyn úı kómegin taǵaıyndaý úshin shotyn usynady. Iaǵnı, otbasy aldymen shyǵyndy óteýi tıis. Sodan keıin ǵana turǵyn úı kómegin ár toqsanda ótinish berýshiniń shotyn kórsetý arqyly ala alady. Saldarynan turǵyn úı kómegin alýshylar kommýnaldyq qyzmetti ýaqytyly tóleı almaıdy, ósimpul tóleýge mindetteledi», – dedi depýtat.

Qudaıbergen Beksultanovtyń aıtýynsha, bir ǵana Qaraǵandynyń ózinde mundaı tólemdi alýshylardyń sany sheksiz kóp.

– Osy erejeni daıyndaǵan sheneýnik ne oılaǵany túsiniksiz. Turǵyn úı járdemaqysyn alýshylardyń negizgi sanaty – zeınetkerler. Olardyń «qyzmetti ýaqytyly tóleı almaımyn» dep alańdaıtyn egde jastaǵy adamdar ekenin eskerý qajet. Bul kómekti alar kezde mynadaı qıyndyqtar bar:

— kómektiń osy túrin taǵaıyndaýǵa ótinish bergen kezde tetik kúrdelene túsedi, saldarynan bas tartýǵa ne qaıta ótinish berýge týra keledi. Mysaly, eger otbasynda eki zeınetker bolsa, taǵaıyndaýǵa ótinish bergen kezde otbasynyń basqa múshesi EQ kómegimen ótinishke kelisýge tıis. Bul talap artyq;

— turǵyn úı kómegin taǵaıyndaý jónindegi ýákiletti organ úshin qajettilikti, esepterdi qalyptastyrý kózdelmegen jáne tóleý úshin fýnkııa joq, – deıdi ol.