جاڭالىقتار
دەپۋتات تۇرلىحانوۆتىڭ سوتتالعان ۇلىنا قاتىستى داۋ: اسكەري سوت مالىمدەمە جاسادى
كورنەكى فوتو: رixabay.com
بۇگىن, تاڭەرتەڭ دەپۋتات داۋلەت تۇرلىحانوۆتىڭ شارتتى مەرزىمگە سوتتالعان ۇلى نۇراسىل بولاتتىڭ ۆيدەوسى جەلىدە پايدا بولدى. بۇل تۋرالى اسكەري سوت مالىمدەمە جاسادى, دەپ حابارلايدى KAZ.NUR.KZ.
الماتى گارنيزونىنىڭ اسكەري سوتى بولات ن.-عا قاتىستى ءىس بويىنشا سوت اكتىسى ونىڭ تىركەلگەن جەرى بويىنشا استانا قالاسىنىڭ قىلمىستىق-اتقارۋ جۇيەسىنىڭ دەپارتامەنتىنە ۋاقىتىلى ورىنداۋ ءۇشىن جولدانعانىن حابارلادى. «استانا قالاسىنىڭ بايقوڭىر اۋدانى بويىنشا پروباتسيا قىزمەتىنىڭ حاتىمەن سوتتالۋشىنىڭ مەكەن-جايى ۇكىمدەگى مەكەن-جايمەن سايكەس كەلمەۋىنە بايلانىستى ماتەريال ورىندالماي قايتارىلعان. وسىدان كەيىن, سوت سوتتالۋشىنىڭ ناقتى تۇرعىلىقتى جەرىن انىقتاۋ بويىنشا ءىس-شارالار جۇرگىزدى, ويتكەنى ونىڭ دەرەكتەرىن سۇراعان كەزدە ەكى قالادا ورنالاسقان ەكى مەكەنجايى كورسەتىلگەن», -دەلىنگەن اسكەري سوت مالىمدەمەسىندە.
اسكەري سوتى دەپارتامەنتى اتالعان ءىس جۇرگىزۋدىڭ ۇزاقتىعىنىڭ سەبەپتەرىن انىقتاۋ بويىنشا تەكسەرۋ جۇرگىزىپ جاتىر. «قازىرگى ۋاقىتتا ءىس بويىنشا سوت اكتىسى سوتتالعاننىڭ الماتى جانە استانا قالالارىنداعى تۇراقتى جانە ۋاقىتشا تىركەۋ ورىندارى بويىنشا پروباتسيا قىزمەتىنە جىبەرىلدى», – دەيدى اسكەري سوت وكىلدەرى.
