Depýtat: «Ulttyq qorǵa» arqa súıeýdi doǵarý kerek

Jaqynda Parlament Májilisinde 2024–2026 jyldarǵa arnalǵan respýblıkalyq bıýdjet máselesi qaraldy. Plenarlyq otyrysqa arnap, osy másele jóninde «Amanat» frakııasynyń jetekshisi Elnur Beısenbaev jasaǵan baıandamanyń (qaz-qalpynda jarııalandy) mazmuny eldiń qarjylyq ahýaly dabyl qaǵarlyq jaǵdaıǵa jetkenin aıqyn ańǵartatynyn aıtty dep jazdy depýtat Ermurat Bapı, dep habarlaıdy qandastar.kz

«Jasyratyny joq, qazirgi tańda biz bıýdjet saıasaty boıynsha eleýli syn-qaterlermen betpe-bet kelip otyrmyz. Birinshiden, ol – bıýdjettiń teńgerimsizdigi. Bıýdjet qarajatynyń basym bóligi, ıaǵnı 92 %-y mindetti shyǵystardy jabýǵa baǵyttalǵany belgili. Bul – elimizdi damytýǵa, ıaǵnı bolashaqqa salynatyn ınvestıııaǵa nebári 8-aq paıyz ǵana qalady degen sóz. Mundaı jaǵdaıda serpindi damý, halyqtyń ómir súrý deńgeıin kóterý týraly sóz aıtýdyń ózi artyq.

Ekinshiden, bıýdjet tapshylyǵyn jabý úshin, Ulttyq qordan qarajat alý 2024 jyly eń shekti deńgeıge jetti. Bıyl bıýdjettiń kiris bóligi nebári 13,1 trln teńgeni qurady. Iaǵnı, bıýdjetke 3 trıllıon teńge kóleminde josparlanǵan salyqtyq túsimder túspedi.

Durys josparlamaý saldarynan úsh trıllıon teńgeniń jetpeýi – salyq jáne bıýdjettik saıasattyń kúıregeni degen sóz emes pe?! Demek, Úkimet bıýdjetke naqty salyqtyq túsimmen qamtamasyz etilmegen kiristi salyp otyr. Muny biz Úkimettiń ekonomıkalyq blogynyń jetkilikti deńgeıde jaýapkershilik pen kásibılik tanyta almaýy dep esepteımiz», – dedi E.Bapı.

Prezıdenttiń qatań eskertýine qaramastan, Úkimet bıýdjet tapshylyǵyn jabý úshin, Ulttyq qordan 5,6 trln teńge, buǵan qosa, «Qazatomprom» arqyly taǵy da 1 trıllıon teńgeni bıýdjet esebinen aldy. Munyń barlyǵy – Ulttyq qordyń qarajaty. Sonymen bıyl Ulttyq qordan 6,6 trıllıon, al kelesi jyly taǵy 5,3 trln teńge alynady. Bul – shamamen 24 mıllıard AQSh dollaryna para-par. Ol – jalpy Ulttyq qor kóleminiń úshten birine teń soma. Munyń sońy qordaǵy aktıvterdiń azaıýyna ushyratatynyn alǵa tartady depýtat.

«Bolashaq urpaqtyń nesibesine qol suǵýdy doǵarý kerek. Qazir ony elimizdiń barlyq ata-analary men balalary qadaǵalap otyr. Ulttyq qorǵa arqa súıeýdiń de shegi bar. Prezıdent aıtqandaı, «Ulttyq qor – balalarǵa!»», – dedi ol.