دەپۋتاتتار 25 مينۋتتىق توبەلەس شىعاردى

فوتو: ۆيدەودان سكرين

تۇركيا پارلامەنتىندە بيلىك پەن وپپوزيتسيا وكىلدەرى اراسىندا توبەلەس بولدى. توبەلەس شامامەن 25 مينۋتقا سوزىلىپ, بىرنەشە ادام جاراقات الدى دەپ حابارلايدى qandastar.kz KAZ.NUR.KZ-كە سىلتەمە جاساپ.

Euronews.com سايتىنىڭ حابارلاۋىنشا, قاقتىعىس تۇرىك پارلامەنتشىلەرى ساياسي استارى بار دەگەن ايىپپەن تۇرمەدە وتىرعان وپپوزيتسيالىق «جۇمىسشى پارتياسىنىڭ» دەپۋتاتىنا قاتىستى پىكىرتالاستان كەيىن پايدا بولدى. «جۇمىسشى پارتياسى» وكىلى احمەت شيككە پرەزيدەنت رەجەپ تايىپ ەردوعاننىڭ ادىلەت جانە دامۋ پارتياسىنىڭ دەپۋتاتى شابۋىل جاساعانى حابارلاندى. بۇعان دەيىن شيك بيلەۋشى ​​پارتيا مۇشەلەرىن «تەررورلىق ۇيىم» دەپ اتاعان.

تۇركيانىڭ ۇلى ۇلتتىق جينالىسىنىڭ كەزەكتەن تىس سەسسياسى وتكەن جىلعى سايلاۋدا تۇرمەدە وتىرعان كەزدە «جۇمىسشى پارتياسىنىڭ» دەپۋتاتى بولىپ سايلانعان دجان اتالايدىڭ ءىسىن تالقىلاۋ ءۇشىن شاقىرىلدى. ول بۇعان دەيىن 2013 جىلعى ۇكىمەتكە قارسى نارازىلىقتارعا قاتىسقانى ءۇشىن 18 جىلعا باس بوستاندىعىنان ايىرىلدى, ول سول كەزدە تۇركيانىڭ پرەمەر-ءمينيسترى بولعان ەردوعاننىڭ بيلىگىنە قارسى شىقتى. تاسس اگەنتتىگىنىڭ حابارلاۋىنشا, وپپوزيتسيا مەن بيلەۋشى ​​پارتيا دەپۋتاتتارى 25 مينۋتتاي توبەلەسىپ, بىرنەشە ادام اۋىر جاراقات العان. ءۇزىلىس كەزىندە پارلامەنت قىزمەتكەرلەرى پارلامەنتاريلەر ماسەلەنى رەتتەپ جاتقان مىنبەردە قان ىزدەرىن ءسۇرتىپ وتىرعان.