Depýtattar avtoturaqta kóliktiń tegin turý ýaqytyn uzartýdy usyndy

Foto: ashyq derekkóz

Roman Sklıar osy boıynsha depýtattardyń usynysy zań sheńberinde qaralatynyn aıtady. Birinshi vıe-premer májilismenderge bergen jazbasha jaýabynda úsh megapolıske jeke toqtalǵan, dep jazady qandastar.kz

«Astana ákimdiginiń aqparatyna sáıkes, aqyly kommýnaldyq avtoturaqtar qalanyń ortalyq aýdandarynda, halyq tyǵyz shoǵyrlanǵan jerleri kólik toraptarynda, saýda oıyn-saýyq ortalyqtarynda, ákimshilik keshenderde jáne taǵy da basqa jerlerde ornalasqan. Aqyly kommýnaldyq avtoturaqtarǵa irgeles ornalasqan úılerdiń turǵyndaryna tegin turaq quqyǵyn beretin rezıdenttik abonementter beriledi. 

Al Almaty ákimdiginiń aqparatyna sáıkes, aqyly kommýnaldyq avtoturaqtar qalanyń tarıhı iskerlik ortalyǵynda, sondaı-aq kórikti jerlerge jaqyn jerde ornalasqan. 

Sonymen qatar, Shymkent qalasynda jáne basqa oblystarda avtoturaq uıymdastyrý tártibin retteıtin normatıvtik quqyqtyq akt joq. 

Osyǵan oraı, qazirgi ýaqytta Qazaqstan Respýblıkasynyń Májilisinde qaralyp jatqan Astananyń jáne respýblıkalyq qalalardyń damýy máseleleri boıynsha zań jobasy sheńberinde oblys, respýblıkalyq mańyzy bar qalalardyń ákimderin avtoturaqtardy (avtomobıl qoıatyn oryndardy, parkıngterdi) uıymdastyrý jáne olardyń sanattaryn aıqyndaý qaǵıdalaryn bekitý quzyretin berý bóliginde zańnamalyq túzetýler engizý kózdelgen», – dedi Roman Sklıar.

Eske salaıyq, depýtattar avtoturaqta kóliktiń tegin turý ýaqytyn kem degende 30 mınýtqa deıin arttyrýdy jáne aqyly avtoturaqtardy kólikter eń kóp jınalatyn iskerlik aýdandarda ǵana qaldyryp, qalǵanyn joıýdy usynǵan bolatyn.