دەپۋتاتتار قوستاناي وبلىسىنىڭ تۇرعىندارىمەن كەزدەستى

ولار سۋ باسقان اۋىلداردى ارالاپ, حالىقپەن تىلدەستى. قازىر ولكەدەگى جاعداي ءبىراز تۇراقتالعانىمەن, ۇيلەردىڭ ىشىندەگى سۋ ءالى كەپپەگەن.

بۇگىن ماجىلىسمەندەر قالا ماڭىنداعى التىنسارين, ميچۋرين اۋىلدارىن ارالاپ, تۇرعىنداردىڭ جاعدايىمەن تانىستى. دەپۋتات ۇيلەرى سۋ استىندا قالعانداردىڭ دالادا قالمايتىنىن قاداپ ايتتى. ياعني, مەملەكەت تارپىنان بارلىق جاعداي جاسالادى. ەكاتەرينا سمىشلياەۆا, قر پارلامەنتى ءماجىلىسىنىڭ دەپۋتاتى: — اكىم قالپىنا كەلتىرۋگە بولاتىن ۇيلەردى قازىردەن ءوز قاداعالاۋىنا الىپ, جۇمىس ىستەيتىنىن ايتتى. ەگەر وعان مۇمكىندىك بولماسا, بيلىكتىڭ قابىلداعان شەشىمىنە سايكەس جاڭا ءۇي سالىنادى. بىراق ۋچاسكە قاۋىپسىز ايماقتا بولۋ كەرەك.  ايتا كەتەيىك, قازىر قوستاناي وبلىسىنداعى سۋ قويمالارىنىڭ اعىسى باسەڭدەپ, دەڭگەيى تومەندەگەن.

سايكەسىنشە احۋال تۇراقتالىپ, دەرەكتەر ساعات سايىن وزگەرىپ جاتىر. بۇگىندە 800 مىڭ تەكشە مەتر سۋ سورىلىپ, 7 مىڭ توننادان استام ينەرتتى ماتەريال توسەلگەن.    نۇرلان ءامىروۆ, قوستاناي قالاسى تجب ءبولىم باسشىسى: — بىزگە ماكسيمالدى سۋ كەلگەن 3300 كۋب سەكۋندىنا. قازىر 2000 كۋبپەن كەلىپ وتىر. نورماسىنا كەلىپ جاتىر. «مەجەننىي ۋروۆەن» دەگەن بار, سودان ماكسيمالدى كوتەرىلگەنى – 580 سم. قازىر 60 سم-گە تومەندەدى. قالانىڭ وزىندە تابيعي اپات كەزىندە 166 ءۇي سۋ استىندا قالعان بولاتىن. قازىر ارنايى كوميسسيا قۇرىلىپ, شىعىنداردى ەسەپتەپ جاتىر. زارداپ شەككەندەرگە تولىق تولەم جاسالادى. ول ءۇشىن جەرگىلىكتى اكىمدىككە بارىپ, ءوتىنىش قالدىرۋ كەرەك.