DEPÝTATTAR QOSTANAI OBLYSYNYŃ TURǴYNDARYMEN KEZDESTI

Olar sý basqan aýyldardy aralap, halyqpen tildesti. Qazir ólkedegi jaǵdaı biraz turaqtalǵanymen, úılerdiń ishindegi sý áli keppegen.

Búgin májilismender qala mańyndaǵy Altynsarın, Mıchýrın aýyldaryn aralap, turǵyndardyń jaǵdaıymen tanysty. Depýtat úıleri sý astynda qalǵandardyń dalada qalmaıtynyn qadap aıtty. Iaǵnı, memleket tarpynan barlyq jaǵdaı jasalady. Ekaterına Smyshlıaeva, QR Parlamenti Májilisiniń depýtaty: — Ákim qalpyna keltirýge bolatyn úılerdi qazirden óz qadaǵalaýyna alyp, jumys isteıtinin aıtty. Eger oǵan múmkindik bolmasa, bıliktiń qabyldaǵan sheshimine sáıkes jańa úı salynady. Biraq ýchaske qaýipsiz aımaqta bolý kerek.  Aıta keteıik, qazir Qostanaı oblysyndaǵy sý qoımalarynyń aǵysy báseńdep, deńgeıi tómendegen.

Sáıkesinshe ahýal turaqtalyp, derekter saǵat saıyn ózgerip jatyr. Búginde 800 myń tekshe metr sý sorylyp, 7 myń tonnadan astam ınertti materıal tóselgen.    Nurlan Ámirov, Qostanaı qalasy TJB bólim basshysy: — Bizge maksımaldy sý kelgen 3300 kýb sekýndyna. Qazir 2000 kýbpen kelip otyr. Normasyna kelip jatyr. «Mejennyı ýroven» degen bar, sodan maksımaldy kóterilgeni – 580 sm. Qazir 60 sm-ge tómendedi. Qalanyń ózinde tabıǵı apat kezinde 166 úı sý astynda qalǵan bolatyn. Qazir arnaıy komıssııa qurylyp, shyǵyndardy eseptep jatyr. Zardap shekkenderge tolyq tólem jasalady. Ol úshin jergilikti ákimdikke baryp, ótinish qaldyrý kerek.