جاڭالىقتار
دەپۋتاتتار ۋاقىت بەلدەۋىن وزگەرتۋگە قاتىستى مالىمدەمە جاسادى
فوتو: اشىق دەرەككوز
ماجىلىستەگى Amanat پارتياسىنىڭ دەپۋتاتتارى قازاقستانداعى ۋاقىت بەلدەۋىن اۋىستىرۋ ماسەلەسىنە قاتىستى مالىمدەمە جاسادى, – دەپ حابارلايدى Tengrinews.kz ءتىلشىسى.
بۇگىن ءماجىلىس توراعاسى ەرلان قوشانوۆتىڭ توراعالىعىمەن Amanat پارتياسى فراكتسياسىنىڭ كەڭەيتىلگەن وتىرىسى ءوتتى. ودان كەيىن دەپۋتاتتار ماقسات تولىقباي, رينات زايىتوۆ, نۇرتاي سابيليانوۆ, لۇقبەك تۇماشينوۆ جانە سامات نۇرتازا قازاقستان حالقىنا بەينەۇندەۋ جولداپ, ەلدەگى بۇرىنعى ۋاقىت بەلدەۋىن قايتارۋدى ۇسىندى.
«وڭىرلەرگە, اسىرەسە شىعىس قازاقستان, پاۆلودار, سولتۇستىك قازاقستان وبلىسى, اباي جانە جەتىسۋ وبلىستارىنا ءىسساپارلار بارىسىندا تۇرعىنداردىڭ كوپتەگەن ارىز-شاعىمدارى مەن تىلەكتەرىنە بايلانىستى ارنايى مالىمدەمە جاساعىمىز كەلەدى. ارىپتەستەرىم كۋا. حالىق بۇرىنعى ۋاقىت بەلدەۋىن قايتارۋدى تالاپ ەتىپ جاتىر. بالكىم بۇل ۋاقىت بەلدەۋى قوستاناي, قىزىلوردا جانە باتىس قازاقستان ءۇشىن ىڭعايلى شاعار, بىراق شىعىس قازاقستان ءۇشىن ءتيىمسىز. ءبىزدىڭ شىعىس قازاقستاندا تاڭ تۇنگى ەكى جارىمدا اتادى, ادامدار سيىرلاردىڭ موڭىرەۋىنەن وياناسىڭ, ال كەشكى بەس-التىدا تاس قاراڭعى. مۇنداي جاعدايدا ەكىنشى جانە ءۇشىنشى اۋىسىمداعى وقۋشىلار ۇيىنە قالاي قايتادى? اۋىلدىق جەرلەردە كوشە جارىعى جوق, بۇل ماسەلەنى ۋشىقتىرادى», – دەدى دەپۋتات ماقسات تولىقباي.
دەپۋتاتتىڭ ايتۋىنشا, Amanat پارتياسى پارلامەنتتىڭ جالپى وتىرىسىندا ارنايى تىڭداۋلار وتكىزەدى.
«ەلىمىزدىڭ جەرى كەڭ بولعاندىقتان, ۋاقىت بەلدەۋىن وزگەرتۋ ماسەلەسى گەوگرافيالىق ەرەكشەلىكتەردى ەسكەرە وتىرىپ, الدىن الا زەرتتەلۋى كەرەك ەدى. بۇل ءبىزدىڭ دەنساۋلىعىمىزعا قالاي اسەر ەتەتىنىن جانە قانشا ەنەرگيانى شامادان تىس جۇمسايتىنىمىزدى ەسكەرۋىمىز كەرەك. سوندىقتان, بۇگىن فراكتسيا وتىرىسىن وتكىزدىك. ۇكىمەت مۇشەلەرىن شاقىرامىز, وعان ۇكىمەت مۇشەلەرىن, عالىمداردى, ساراپشىلاردى شاقىرامىز. ناقتى ۇسىنىستارىڭىز بولسا, بىرگە تالقىلاپ, ۇكىمەتتىڭ تۇپكىلىكتى شەشىمىنە ىقپال ەتۋگە تىرىسامىز», – دەپ تۇيىندەدى ماجىلىسمەن.
