«ديكي ارمان» سوتتالدى

 فوتو: Instagram

قاڭتار وقيعاسى كەزىندە ۇستالعان ارمان جۇماگەلديەۆ 20 جىلعا سوتتالدى, دەپ حابارلايدى qandastar.kz

قاڭتار وقيعاسىندا جاپپاي تارتىپسىزدىكتەردى ۇيىمداستىرۋعا قاتىستى دەگەن كۇدىكپەن ۇستالعان كاسىپكەر قايرات قۇدايبەرگەن 8 جىلعا باس بوستاندىعىنان ايىرىلدى. ال ارمان جۇماگەلديەۆ 20 جىلعا باس بوستاندىعىنان ايىرىلدى.

اتىشۋلى قىلمىس الەمىنىڭ سەركەسى ارمان جۇماگەلديەۆكە «قاڭتار» وقيعاسى كەزىندە جاپپاي تارتىپسىزدىكتەر ۇيىمداستىرعانى جانە وعان قاتىسقانى ءۇشىن ايىپ تاعىلعان. تەرگەۋ بولجامى بويىنشا, ول كەزدەيسوق ءوتىپ بارا جاتقان 20-دان استام ادامدى ۇرلاپ, قارۋ-جاراق ۇرلاپ, ادامداردى زاڭسىز ۇستاپ, ولاردىڭ بوستاندىعىن شەكتەگەن.

وسى ءىس بويىنشا تاعى ءبىر ايىپتالۋشى, قازاقستاننىڭ ۇلتتىق قاۋىپسىزدىك كوميتەتىنىڭ 5-باسقارما بۇرىنعى باسشىسى رۋسلان ىسقاقوۆ بار. ول جۇماگەلديەۆتىڭ قىلمىستىق توبىنا قولداۋ كورسەتكەن دەپ ايىپتالدى. تەرگەۋ ماتەريالدارى بويىنشا, ىسقاقوۆ «ديكي ارمانعا» الماتىداعى الاڭدا ادامداردى جينالۋعا ۇيىمداستىرۋدى تاپسىرعان.

سونىمەن قاتار قاڭتار وقيعاسى بويىنشا رۋسلان ىسقاقوۆ — 15 جىلعا سوتتالدى, ال تالعات ماحات — 1 جىل 3 ايعا باس بوستاندىعىنان ايىرىلدى.

ەسكە سالساق, بۇعان دەيىن «قالاۋلىم» باعدارلاماسى ارقىلى تانىلعان بەرداح بەكەتوۆ قاڭتارداعى ب ۇلىككە قاتىسقانى ءۇشىن 7 جىلعا سوتتالعانىن حابارلاعانبىز.