Dıkıı Armannyń soty qashan aıaqtalady?

Foto: jeke qorynan

Bul týraly onyń advokaty Oleg Chernov habarlady, dep jazdy qandastar.kz

«Arman Jumageldıevtiń isi boıynsha sot tergeýi aıaqtaldy. Qazir sózjarysta memlekettik aıyptaýshy sóılep jatyr. Sottalýshylarǵa uzaq merzim surap otyr. Jeltoqsannyń sońyna deıin aıaqtaımyz dep oılaımyn. Úkim 2025 jyldyń qańtarynda shyǵyp qalady», – dedi ol.

«Dıkıı Arman» laqap atymen tanymal Arman Jumageldıevtiń isi sotqa bir jyldan astam ýaqyt buryn túsken bolatyn. Onymen birge sottalýshylar qatarynda Almaty máslıhatynyń burynǵy depýtaty Qaırat Qudaıbergen bar.

Jumageldıevke Qańtar oqıǵasyndaǵy tártipsizdikterdi uıymdastyrdy, qarý urlady degen birneshe aıyp taǵylyp otyr. Tergeý nusqasy boıynsha Qaırat Qudaıbergen kópshilikti Dıkıı Armanǵa qosylýǵa shaqyrǵan.