«Dımash ekeýmiz bazarda án aıtqanbyz». Tanymal bloger Dımash Qudaıbergen sekildi dıapazony keń ekenin aıtty

Sabına Movlaeva NTK telearnasynyń avtorlyq baǵdarlamalarynyń birinde Dımash Qudaıbergenmen birge bazarda án aıtqan sátterin eske aldy, dep jazdy qandastar.kz turkystan.kz portalyna siltep.

«Men negizinen bloger emespin. Adamdar solaı oılaıtyn shyǵar. Men munyń aldynda FM degen topta boldym. Al 10 jasymnan bastap án aıtamyn. Dımash Qudaıbergenmen birge Aqtóbedegi fılarmonııada 8 jyl birge jumys istedik. Ekeýimiz, sosyn Kalıfornııa bar bazar sııaqty jerlerde án aıttyq. Men negizi ánshimin. Meni kópshilik bloger retinde qabyldap qaldy. Sondyqtan da meni ánshilikke qalaı keldi eken dep túsinbeı jatqandar bar. Negizinen meniń tembrim jaqsy, dıapazonym da úlken. Múmkin áli tolyq ashyla almaı júrgen shyǵarmyn dep oılaımyn. Ánshilikti qazir qolǵa ala bastaǵanymnyń sebebi, 35-40 jasymda bastasam birtúrli bolatyn sııaqty kórindi. Sol sebepti 27 jasymda kirisip kettim», — dedi bloger Sabına Movlaeva.