ديماش فرانتسيا تورىندە شىرقادى

فوتو: اشىق دەرەككوز

مەملەكەت باسشىسى قاسىم-جومارت توقاەۆتىڭ قۇرمەتىنە وراي فرانتسيا پرەزيدەنتى ەليسەي سارايىندا مەملەكەتتىك قابىلداۋ وتكىزدى, دەپ جازادى qandastar.kz

قاسىم-جومارت توقاەۆ ەممانيۋەل ماكرون مەن ونىڭ زايىبى بريدجيت ماكرونعا قازاق دەلەگاتسياسىنا ەرەكشە قوناقجايلىق كورسەتكەنى جانە دوستىق پەيىلدەرى ءۇشىن ريزاشىلىق ءبىلدىردى.

مەملەكەتتىك قابىلداۋعا فرانتسيانىڭ ۇكىمەت مۇشەلەرى, بەلگىلى ساياساتكەرلەر, ىسكەرلىك توپ, عىلىم جانە ديپلوماتيا وكىلدەرى, سونداي-اق ەكى ەلدىڭ كورنەكتى مادەنيەت جانە سپورت قايراتكەرلەرى شاقىرىلدى.

ولاردىڭ اراسىندا قازاقتىڭ ماقتانىشى, الەمگە ايگىلى ءانشى ديماش قۇدايبەرگەن دە بولدى. ول مارتەبەلى قوناقتار الدىندا اسقاقتاتىپ ءان سالىپ, قوناقتاردى ءتانتى ەتتى.

اسىرەسە, فرانتسيا باسشىلارى قازاق بالاسىنىڭ تالانتىنا تاڭداي قاقتى. ديماشتىڭ پاريج تورىندە سالعان ءانى – قازاق تاريحىندا 1 عاسىردان كەيىن قايتالانعان تاريحي قۇبىلىس.

ەستەرىڭىزدە بولسا, وسىدان 99 جىل بۇرىن, ياعني 1925 جىلى امىرە قاشاۋباەۆ پاريجدە بۇكىل الەمدى تاڭ قالدىرىپ, اۋەلەتىپ ءان سالعان ەدى.