Dımash Franııa tórinde shyrqady

Foto: ashyq derekkóz

Memleket basshysy Qasym-Jomart Toqaevtyń qurmetine oraı Franııa Prezıdenti Elıseı saraıynda memlekettik qabyldaý ótkizdi, dep jazady qandastar.kz

Qasym-Jomart Toqaev Emmanıýel Makron men onyń zaıyby Brıdjıt Makronǵa qazaq delegaııasyna erekshe qonaqjaılyq kórsetkeni jáne dostyq peıilderi úshin rızashylyq bildirdi.

Memlekettik qabyldaýǵa Franııanyń Úkimet músheleri, belgili saıasatkerler, iskerlik top, ǵylym jáne dıplomatııa ókilderi, sondaı-aq eki eldiń kórnekti mádenıet jáne sport qaıratkerleri shaqyryldy.

Olardyń arasynda qazaqtyń maqtanyshy, álemge áıgili ánshi Dımash Qudaıbergen de boldy. Ol mártebeli qonaqtar aldynda asqaqtatyp án salyp, qonaqtardy tánti etti.

Ásirese, Franııa basshylary qazaq balasynyń talantyna tańdaı qaqty. Dımashtyń Parıj tórinde salǵan áni – qazaq tarıhynda 1 ǵasyrdan keıin qaıtalanǵan tarıhı qubylys.

Esterińizde bolsa, osydan 99 jyl buryn, ıaǵnı 1925 jyly Ámire Qashaýbaev Parıjde búkil álemdi tań qaldyryp, áýeletip án salǵan edi.