Dımash konertindegi erekshe sát vıdeoǵa túsip qaldy

Elordada 13-14 kyrkúıekte «Astana Arena» stadıonynda qazaqstandyq tanymal ánshi Dımash Qudaıbergenniń konerti ótkenin barlyǵymyz bilemiz.  Oǵan elimizdiń túkpir-túkpirinen jáne shet memleketterden myńdaǵan jankúıer jınaldy. Konert kezinde jeli qoldanýshylarynyń nazaryn aýdarǵan erekshe sát vıdeoǵa túsip qalǵan, dep habarlaıdy qandastar.kz.

Vıdeony jarııalaǵan Nurasyl Bekturǵanov esimdi mobılograf Instagram-daǵy paraqshasynda óziniń jelide hıt bolyp jatqanyn jazǵan.

«Iá, barlyǵyńyz kórgendeı, bul jaǵdaıdaǵy operator jigit men bolamyn. Sahnanyń shetinde turǵanymdy baıqap, ustap qalýǵa tyrysqan Dımash Qudaıbergen aǵaǵa rahmet. Al mobılograf, vıdeograftar jumysymyzda barynsha saq bolaıyq, – dep jazǵan Nurasyl Bekturǵanov.

Kadrlardan ánshiniń kameraǵa túsirip júrgen operatordyń sahna shetinde turyp qulap bara jatqanyn baıqap qol ushyn sozǵanyn kórýge bolady. Qulap ketetinin ańǵarmaǵan mobılograf osy sát túsirilgen vıdeony jarııalap bylaı dep jazǵan: «Onyń ánshiligi men talantyna sóz joq, biraq onyń adamgershiligi bir bólek álem».

Jeli qoldanýshylar Dımashtyń bul áreketine súısinip, vıdeo astyna jaqsy tilekterin qaldyrǵan. «Qandaı qyraǵy», «Dımashnyń kózi qyrannyń kózindeı, perishte syndy jigitti oqys jaǵdaıdan qutqardy», – dep jazdy pikir qaldyrýshylar.