الەم جاڭالىقتارىجاڭالىقتار
ديماش قۇدايبەرەننىڭ ءانى امەريكالىق حيت-پارادتاردا توپ جاردى
فوتو: dimashnews
2025 جىلدىڭ قاڭتار ايىندا شەتەلدىك باسىلىمداردا قازاقستاندىق ءارتىس ديماش قۇدايبەرگەن تۋرالى بىرنەشە ماقالا جاريالاندى, دەپ حابارلايدى qandastar.kz پورتالى dimashnews.com سايتىنا سىلتەمە جاساپ.
ارگەنتينا, انگليا جانە امەريكانىڭ بۇقارالىق اقپارات قۇرالدارىندا ەرەكشە تالانتتى, قاراپايىم ومىرلىك ۇستانىمدارى بار, مادەني تۇلعالىق قاسيەتتەرى ۇيلەسكەن, الەمنىڭ ءارتۇرلى ەلدەرىندە جانكۇيەرلەرىنىڭ سۇيىكتى انشىسىنە اينالعان قازاقستاندىق ونەرپاز تۋرالى بىرنەشە رەت ماقالالار جاريالاعان بولاتىن.
امەريكاندىق «Haute Living» باسىلىمىنىڭ جاڭا ماقالاسىندا:
«ديماش قۇدايبەرگەن بۇكىل الەم بويىنشا كورەرمەندەردى نەوكلاسسيكا, پوپ-مۋزىكا, قازاق فولكلورى مەن زاماناۋي مۋزىكانىڭ بىرەگەي بىرىگۋىمەن باۋراپ الىپ, ازيانىڭ ەڭ تانىمال ارتىستەرىنىڭ بىرىنە اينالۋدا.
ديماشتىڭ ونەردەگى ەركىندىگى وعان قايتالانباس جانە ماڭگى ەستە قالارلىق دىبىستىق لاندشافت جاساۋ ءۇشىن ءداستۇرلى قازاق اۋەندەرىن الەمدىك مۋزىكامەن ارالاستىرا وتىرىپ, ءارتۇرلى مۋزىكالىق ستيلدەردى ەركىن زەرتتەپ, جاڭا ونەر جاۋھارىن ويلاپ تابۋعا مۇمكىندىك بەرۋدە. ديماش ءۇشىن مۋزىكا – جاي عانا كوڭىل كوتەرۋ قۇرالى ەمەس, بۇل الەمدىك ساحنادا قازاقستاننىڭ باي مادەنيەتىن كورسەتۋگە ارنالعان پلاتفورما».
