Dımash Qudaıberenniń áni amerıkalyq hıt-paradtarda top jardy

Foto: dimashnews

2025 jyldyń qańtar aıynda sheteldik basylymdarda qazaqstandyq ártis Dımash Qudaıbergen týraly birneshe maqala jarııalandy, dep habarlaıdy qandastar.kz portaly dimashnews.com saıtyna silteme jasap.

Argentına, Anglııa jáne Amerıkanyń buqaralyq aqparat quraldarynda erekshe talantty, qarapaıym ómirlik ustanymdary bar, mádenı tulǵalyq qasıetteri úılesken, álemniń ártúrli elderinde jankúıerleriniń súıikti ánshisine aınalǵan qazaqstandyq ónerpaz týraly birneshe ret maqalalar jarııalaǵan bolatyn.

Amerıkandyq «Haute Living» basylymynyń jańa maqalasynda:

«Dımash Qudaıbergen búkil álem boıynsha kórermenderdi neoklassıka, pop-mýzyka, qazaq folklory men zamanaýı mýzykanyń biregeı birigýimen baýrap alyp, Azııanyń eń tanymal ártisteriniń birine aınalýda.

Dımashtyń ónerdegi erkindigi oǵan qaıtalanbas jáne máńgi este qalarlyq dybystyq landshaft jasaý úshin dástúrli qazaq áýenderin álemdik mýzykamen aralastyra otyryp, ártúrli mýzykalyq stılderdi erkin zerttep, jańa óner jaýharyn oılap tabýǵa múmkindik berýde. Dımash úshin mýzyka – jaı ǵana kóńil kóterý quraly emes, bul álemdik sahnada Qazaqstannyń baı mádenıetin kórsetýge arnalǵan platforma».