جاڭالىقتار
ديماش قۇدايبەرگەن شەكاراشىلارمەن كەزدەستى
ايگىلى ءانشى ديماش قۇدايبەرگەن ۇلتتىق قاۋىپسىزدىك كوميتەتىنىڭ شەكارا اكادەمياسىنا بارىپ, كۋرسانتتارمەن كەزدەستى
ونى اكادەميا باستىعىنىڭ ءبىرىنشى ورىنباسارى, پولكوۆنيك ا. يسمايلوۆ جانە باسشىلىق قۇرام كۇتىپ الدى.
انشىگە زال تولى كورەرمەندەر كوكەيدەگى ساۋالدارىن قويدى.
شەكاراشىلاردىڭ قارا قازانىنا اينالعان قارا شاڭىراقتاعى قىزىقتى كەزدەسۋدە كۋرسانتتاردىڭ ءبىرى وعان شەكاراشىلاردىڭ جاسىل كۇنقاعارلى فۋراجكاسىن سىيعا تارتسا, ەندى ءبىرى الەكساندر بەكتىڭ «ارپالىس» اتتى كىتابىن تارتۋ ەتتى.
كەزدەسۋ بارىسىنداعى قىزىقتى اڭگىمەنى مۇقيات تىڭداعان كۋرسانتتار مەن اسكەري قىزمەتشىلەر مۇنداي قايتالانىپ كەلمەس تاريحي ءساتتى قالت جىبەرمەي, كەزەك-كەزەك ەستەلىككە سۋرەتكە ءتۇستى.
دىنمۇحاممەد (ديماش) قانات ۇلى قۇدايبەرگەن, 1994 جىلى 24 مامىردا اقتوبە قالاسىندا قازاقستان رەسپۋبليكاسىنىڭ مادەنيەت قايراتكەرلەرى قانات قۇدايبەرگەن ۇلى مەن سۆەتلانا ايتباەۆانىڭ وتباسىندا دۇنيەگە كەلگەن.
ديماشتىڭ اتا-اناسى –تانىمال انشىلەر قانات جانە سۆەتا ايتباەۆتار. ديماشتىڭ اكەسى قانات ايتباەۆ وبلىستىق فيلارمونيا باسشىسى بولسا, اناسى سۆەتلانا ايتباەۆا – وبلىستىق ءماسليحات دەپۋتاتى. ديماشتىڭ اتا-اجەلەرى دە ونەر ادامدارى.
