ديماش قۇدايبەرگەن تۇركىستان وبلىسىندا كليپ ءتۇسىردى

فوتو: بايدىبەك اۋدانىنىڭ اكىمدىگى

ءانشى ديماش قۇدايبەرگەن بايدىبەك اۋدانىنداعى اقمەشىت ۇڭگىرىندە كەزەكتى بەينەبايانىن ءتۇسىردى, دەپ حابارلايدى Ozgeris.Info.

«ديماش قۇدايبەرگەن تابيعاتى كەرەمەت تاڭعاجايىپ اقمەشىت ۇڭگىرىن الەمگە تانىتاتىن بولدى. ءانشىنىڭ وڭىرىمىزگە ساپارى, بەينەبايان ءتۇسىرۋ جۇمىسى تاريحي-مادەني مۇرانىڭ ماڭىزدىلىعىنا, كەرەمەت تابيعات كورىنىستەرىنە نازار اۋدارتادى. سونداي-اق, الىس-جاقىن شەت ەلدەردەن تۋريستەردىڭ كيەلى مەكەنگە كوپتەپ كەلۋىنە سەپتىگىن تيگىزىپ, ءتۋريزيمنىڭ دامىۋىنا ىقپال ەتەدى», — دەلىنگەن بايدىبەك اۋدانى اكىمدىگىنىڭ حابارلاماسىندا.

بيىلعى 13-14 قىركۇيەكتە استانادا ديماش قۇدايبەرگەننىڭ كونتسەرتى وتەدى. قازاقستاننىڭ حالىق ءارتىسى «Astana Arena» ستاديونىندا «Stranger» اتتى جەكە كونتسەرتىندە ونەر كورسەتەدى.

ۇلتتىق دىبىستىق جانە قازىرگى اۋەندىك تەحنيكا ۇيلەسىم تاپقان الەمدىك دەڭگەيدەگى شوۋدا ءداستۇرلى جانە زاماناۋي ستيلدەگى كومپوزيتسيالار ورىندالادى.

ءان كەشى 8-13 قىركۇيەك ارالىعىنا جوسپارلانعان V دۇنيەجۇزىلىك كوشپەندىلەر ويىندارى اياسىندا مادەنيەت جانە اقپارات مينيسترلىگىنىڭ قولداۋىمەن, «ديماشالي» شىعارماشىلىق ورتالىعىنىڭ ۇيىمداستىرۋىمەن وتكىزىلەدى.