Dımash Qudaıbergen Túrkistan oblysynda klıp túsirdi

Foto: Báıdibek aýdanynyń ákimdigi

Ánshi Dımash Qudaıbergen Báıdibek aýdanyndaǵy Aqmeshit úńgirinde kezekti beınebaıanyn túsirdi, dep habarlaıdy Ozgeris.Info.

«Dımash Qudaıbergen tabıǵaty keremet tańǵajaıyp Aqmeshit úńgirin álemge tanytatyn boldy. Ánshiniń óńirimizge sapary, beınebaıan túsirý jumysy tarıhı-mádenı muranyń mańyzdylyǵyna, keremet tabıǵat kórinisterine nazar aýdartady. Sondaı-aq, alys-jaqyn shet elderden týrısterdiń kıeli mekenge kóptep kelýine septigin tıgizip, týrızımniń damyýyna yqpal etedi», — delingen Báıdibek aýdany ákimdiginiń habarlamasynda.

Bıylǵy 13-14 qyrkúıekte Astanada Dımash Qudaıbergenniń konerti ótedi. Qazaqstannyń halyq ártisi «Astana Arena» stadıonynda «Stranger» atty jeke konertinde óner kórsetedi.

Ulttyq dybystyq jáne qazirgi áýendik tehnıka úılesim tapqan álemdik deńgeıdegi shoýda dástúrli jáne zamanaýı stıldegi kompozıııalar oryndalady.

Án keshi 8-13 qyrkúıek aralyǵyna josparlanǵan V Dúnıejúzilik kóshpendiler oıyndary aıasynda Mádenıet jáne aqparat mınıstrliginiń qoldaýymen, «DımashAlı» shyǵarmashylyq ortalyǵynyń uıymdastyrýymen ótkiziledi.