جاڭالىقتار
ديماش قۇدايبەرگەننىڭ بومبەرى, شاۆكات راحمونوۆتىڭ فۋتبولكاسى ساتىلعان: شقو-دا قايرىمدىلىق بالى ءوتتى
«بىرلەستىگىمىز 2018 جىلى مامىر ايىندا قۇرىلعان. اۋەلدە كاسىپكەرلىكپەن اينالىساتىن ايەلدەرگە قولداۋ تانىتىپ جۇردىك. كەيىن قوعامدىق شارالارعا ارالاسىپ, قايىرىمدىلىق جاساۋعا بەت بۇردىق. ماسەلەن, 2019 جىلى دەمەۋشىلەر ارقىلى «عاجايىپتار ەلى» تۇزەتۋ جانە وڭالتۋ ورتالىعىنا قارجىلاي كومەك كورسەتكەن ەدىك. ول كەزدە ورتالىق مۇمكىندىگى شەكتەۋلى 25 بالانى عانا قامتي الاتىن. ال قازىر ونداعى بالا سانى 200-دەن اسىپ وتىر», — دەيدى «Niet woman» قوعامدىق بىرلەستىگىنىڭ جەتەكشىسى التىناي رامازانوۆا.
بيىلعى بالدا جينالاتىن قارجى ءاداپتيۆتى سپورت ورتالىعىندا تاربيەلەنەتىن اۋتيزم دياگنوزى بار بالالاردى قولداۋعا, «تەڭ-تەڭىمەن» جوباسى اياسىندا پاراوليمپيادالىق ۇستەل تەننيسى كومانداسىنىڭ سپورتشىلارىنا جانە «جارقىن بولاشاق» الەۋمەتتىك قايىرىمدىلىق جوباسىنا بولىنەدى.
دەمەۋشىلىك تانىتقان كاسىپورىندار مەن جەكە كاسىپكەرلەردەن جينالعان قارجىدان بولەك, قايىرىمدىلىق كەشىندە اۋكتسيون وتكىزىلىپ, ءتۇرلى زاتتار ساتىلىمعا قويىلدى. ونىڭ ىشىندە الەمگە ايگىلى ءانشى ديماش قۇدايبەرگەننىڭ ساحناعا كيگەن بومبەرى, UFC جاۋىنگەرى شاۆكات راحمونوۆتىڭ قولتاڭباسى قويىلعان فۋتبولكاسى, وليمپيادا چەمپيونى ولگا رىپاكوۆانىڭ كروسسوۆكاسى بولدى. وسىلايشا, بارلىعى 30 ملن تەڭگەگە جۋىق قاراجات جينالدى.
