Dımash Qudaıbergenniń bomberi, Shavkat Rahmonovtyń fýtbolkasy satylǵan: ShQO-da qaırymdylyq baly ótti

«Birlestigimiz 2018 jyly mamyr aıynda qurylǵan. Áýelde kásipkerlikpen aınalysatyn áıelderge qoldaý tanytyp júrdik. Keıin qoǵamdyq sharalarǵa aralasyp, qaıyrymdylyq jasaýǵa bet burdyq. Máselen, 2019 jyly demeýshiler arqyly «Ǵajaıyptar eli» túzetý jáne ońaltý ortalyǵyna qarjylaı kómek kórsetken edik. Ol kezde ortalyq múmkindigi shekteýli 25 balany ǵana qamtı alatyn. Al qazir ondaǵy bala sany 200-den asyp otyr», — deıdi «Niet woman» qoǵamdyq birlestiginiń jetekshisi Altynaı Ramazanova.

Bıylǵy balda jınalatyn qarjy adaptıvti sport ortalyǵynda tárbıelenetin aýtızm dıagnozy bar balalardy qoldaýǵa, «Teń-teńimen» jobasy aıasynda paraolımpıadalyq ústel tennısi komandasynyń sportshylaryna jáne «Jarqyn bolashaq» áleýmettik qaıyrymdylyq jobasyna bólinedi.

Demeýshilik tanytqan kásiporyndar men jeke kásipkerlerden jınalǵan qarjydan bólek, qaıyrymdylyq keshinde aýkıon ótkizilip, túrli zattar satylymǵa qoıyldy. Onyń ishinde álemge áıgili ánshi Dımash Qudaıbergenniń sahnaǵa kıgen bomberi, UFC jaýyngeri Shavkat Rahmonovtyń qoltańbasy qoıylǵan fýtbolkasy, Olımpıada chempıony Olga Rypakovanyń krossovkasy boldy. Osylaısha, barlyǵy 30 mln teńgege jýyq qarajat jınaldy.