Dımash Qudaıbergenniń Qytaıdaǵy baıqaýda aıtqan sózi daýǵa ulasty

Foto: magmer.ru

Ánshi Dımash Qudaıbergen 26 shildede «Singer 2024» án baıqaýynyń aqtyq básekesi kezinde aıtqan sózi qytaılyq kórermender arasynda úlken daýǵa ulasty, dep jazady turkystan.kz  KAZINFORM agenttigine silteme jasap.

Fınaldyq básekeniń ekinshi kezeńinde, Dımash kanadalyq tanymal ánshi Faýzııaǵa sybyrlap sóılegen sózi tikeleı efırde kórermenge estilip qalǵan.

Dımash Kanadalyq ánshige «Olardyń aıtýynsha, Seniń aldyńda qytaı ánshisi bolýy kerek (They said, It must be Chinese before you)» degen. Al Faýzııa oǵan «jaqsy, másele joq» dep jaýap bergen.

Baıqaý qorytyndysy boıynsha, Faýzııa jeńimpazdar qatarynan kórine almaı, qytaılyq ánshi Na In jeńimpaz atanyp, Tań Veıveı jáne Sýn Nan úzdik úshtikten kórindi.

Osylaısha, qytaılyq telekórermender jáne áleýmettik jeli paıdalanýshylary «Singer» shoýynyń shynaıylyǵyna kúdiktenip, jobany uıymdastyrýshylarǵa narazylyq bildirdi.

Artynsha, Dımash Qudaıbergen weibo paraqshasynda túsinikteme berip, Faýzııa onymen birge óner kórsetýdi suraǵanyn, al uıymdastyrýshylar oǵan qytaı ánshisi bolýy kerek (Must be a Chinese singer «for» you) dep aıtqanyn jetkizdi.