Dımash tórtinshi ret ulttyq syılyqty aldy

Foto:kazgazeta.kz

Elordada «Halyqtyń súıiktisi — 2024» ulttyq syılyǵynyń marapattary tabystaldy. Dımash Qudaıbergen bul marapatty tórtinshi ret ıelenip otyr, dep jazady qandastar.kz

Saltanatty kesh barysynda ánshi halyqqa alǵysyn bildirdi:

«Halqyma, qymbatty jerlesterime meniń shyǵarmashylyǵyma erekshe den qoıyp, qurmetpen qaraǵany úshin úlken rızashylyǵymdy bildirip, alǵysymdy aıtamyn. Kóp raqmet, dostar!
Búgin «Halyqtyń súıiktisi» syılyǵyn alǵan barlyq úmitkerdi quttyqtaımyn. Barshańyzǵa amandyq pen bereke tileımin. Bizdiń bastamalarymyzǵa qoldaý tanytqan árbirińizge mol tabystar tileımin», — dedi D. Qudaıbergen.

Ánshi 2023 jyly «Halyqtyń súıiktisi» syılyǵynyń úsh dúrkin ıegeri retinde arnaıy nomınaııamen marapattalǵan bolatyn.