ديماش ۇيلەرى سۋدىڭ استىندا قالعان حالىققا كومەكتەسۋگە شاقىردى

قازاقستاندىق ءانشى ديماش قۇدايبەرگەن ەل ازاماتتارىن سۋ باسقان وڭىرلەرگە كومەك قولىن سوزۋعا ۇندەدى.

— ناۋرىزدىڭ سوڭعى كۇندەرى كۇن كۇرت جىلىنىپ, اقتوبە وبلىسى ايماعىندا جانە ەلىمىزدىڭ تاعى بىرقاتار وڭىرىندە تەز ەرىگەن قار سۋى ساي-سالانى لەزدە تولتىرىپ, اۆتوكولىك جولدارىن شايىپ, بىرنەشە ەلدىمەكەندى سۋ باسىپتى. كوپ وتباسىلاردىڭ باسپاناسى تۇرۋعا جارامسىز بولىپ قالعان.

سونداي-اق اقتوبە ايماعىندا وزەندەردەگى مۇز ەرىپ, سۋ قويمالارىنداعى سۋ دەڭگەيىنىڭ كوتەرىلىپ, وزەندەردىڭ ارناسىنان اسۋ قاۋپى جوعارى ەكەن. مۇنىڭ سەبەپ-سالدارىن قۇزىرلى مەكەمەلەر انىقتاپ, ماسەلەنىڭ ءتۇيىنىن شەشۋ جولدارىن ىزدەستىرە جاتار. مەملەكەت تاراپىنان ۇيلەرىن سۋ شايىپ كەتىپ, دالادا قالعان اعايىنعا تولىققاندى كومەك كورسەتىلەتىنىنە سەنىم مول, — دەيدى قابىرعاسى قايىسقان ورىنداۋشى.
ديماش قۇدايبەرگەن تاپ قازىرگى ساتتە قينالعانعا قول ۇشىن سوزۋ — ەڭ باستى پارىز ەكەنىن ەسكە سالدى.

— «وت پەن سۋ — ءتىلسىز جاۋ». سوندىقتان قىسىلتاياڭ ساتتە باۋىرلارىمىزعا قول ۇشىن سوزىپ, بىرلىگىمىزدى كورسەتەيىك, اعايىن! — دەپ قايىرىمدىلىققا ۇندەدى ءانشى.