Bilim
«Din endi mektepterge enip, oqýshylardy ǵylym-bilimnen alystatyp jatyr» – ustaz Ábdirashıt Bákiruly
Foto: jeke qorynan
Ustaz ári jýrnalıst Ábdirashıt Bákiruly el damýyndaǵy ǵylym men bilimniń rólin aıshyqtap, «dinniń endi mektepke enip, oqýshylardy bilimnen alystatyp jatqanyna» qatysty dabyl qaqty, dep habarlaıdy Alash.KZ ulttyq portaly.
Ǵylym men bilimge suranysty memlekettiń óndiris saıasaty týdyrady. Qazir, memleket óndirispen aınalysýda. Biraq, onyń «ǵylymı potenıaly» týraly máseleni kótere almaı otyr. Bilimdi jastar shet el asyp ketýde. О́ıtkeni, olardyń bilim potenııalyn júzege asyratyn óndiristik potenııal damymaǵan.Al, Din bolsa, «strategııalyq turǵydan» áreket etýde. Din, endi, mektepke enip, ózine «turaqty jamaǵatty» qamtamasyz etýdi qolǵa almaqshy. Al, Jamaǵat dindi materıaldyq jáne adamı turǵyda qamtamasyz etýshi kúsh. Olaı bolsa, din «mektepke kirý» arqyly, «jastardyń ǵylym men bilimge tolyq ketip qalmaýy» úshin jumys jasaıdy. Sebebi, Ǵylym din dogmasyn teristeýshi, ne, ony joqqa shyǵarýshy birden bir tetik.Ǵylymǵa boı urǵan bala «jamaǵatı fanatızmge» boı urmaıdy.Ol, Meshittiń «jamaǵatı tabysyna» tikeleı keri áser etedi. Imamdardyń maqsaty osynyń aldyn alý! – dedi ol.
Keıinnen ustaz úkimettiń «tıimsiz saıasatyn» aıyptady:
Úkimet bolsa «granttardy kóbeıttik» dep, uıyqtap jatyr.Úkimet (memleket) óziniń bolashaq «adamı kapıtaly» úshin kúrespeı otyr.Jastardy dinnen qorǵamaı otyr.Iaǵnı, jastardyń sanasy dinı dogmamen shyrmalyp qalýy múmkin ekenine nazar aýdarmaı otyr.Álde, bizdiń Úkimet Dindi «Ǵylymnyń ajyramas bóligi», ne «Komponenti» sanaı ma?Onda, Úkimettiń ózi de «aýǵan sındromymen» aýyratyn emes pe eken? – dep jazdy avtor.
