«Dinge tyıym salynady»: Qazaqstanda sportshylardyń etıkasy bekitildi

Qazaqstan Respýblıkasynyń Týrızm jáne sport mınıstriniń 2025 jylǵy 27 maýsymdaǵy buıryǵymen elimizdiń Sporttyq etıkasyna ózgerister engizildi, dep habarlaıdy Skifnews.kz aqparat portaly.

Jańa redakııada qabyldanǵan Sporttyq etıka sportshylardyń, jattyqtyrýshylardyń, oqytýshy-jattyqtyrýshylar men sport tóreshileriniń minez-qulyq normalaryn belgileıdi.

Endi sportshylar, jattyqtyrýshylar, oqytýshy-jattyqtyrýshylar men tóreshiler myna talaptardy oryndaýy tıis:

• qoǵamdyq oryndarda mas kúıinde (alkogol, esirtki nemese ýytty zattardyń áserimen) júrýge jol bermeý;

• adamgershilikke jáne qoǵamnyń moraldyq qundylyqtaryna saı bolý;

• adal oıyn prınıpin saqtaý;

• ulttyq quramalar, qarsylastar, jankúıerler men jarys uıymdastyrýshylaryna qurmetpen qaraý;

• ózge sportshylar men eriktilerdiń ar-namysyn qurmetteý jáne olardyń quqyqtaryn taptamaý, sondaı-aq, sporttyq sharalar men marapattaý rásimderinde saıası urandarǵa jol bermeý;

• daý-janjaldan aýlaq bolý, sporttyq bedelge nuqsan keltirmeý;

• Qazaqstan Respýblıkasynyń Memlekettik rámizderine jáne ózge elderdiń memlekettik rámizderine qurmetpen qaraý;

• Qazaqstannyń Memlekettik Ánuranynyń mátini men mýzykalyq redakııasyn bilý, ony oryndaý kezinde etıkalyq normalardy saqtaý;

• tóreshi sheshimine qurmetpen qaraý, jarııa túrde daý týdyrmaý;

• sporttyq marapattardy (kýbok, medal, dıplom) qadirleý;

• jarystardaǵy marapattaý rásimine qatysý;

• resmı fototúsirilim, marapattaý, BAQ-pen jumys barysynda ulttyq quramanyń nemese sport klýbynyń kıim úlgisin kııý;

• BAQ ókilderiniń jumysyna qurmetpen qaraý;

• ózge sportshylarǵa úlgi bola bilý;

• sport jarystarynyń erejelerin saqtaý.

Sonymen qatar, tyıym salynatyn áreketterdiń qataryna:

• oqý-jattyǵý proesine qatysty aqparatty jarııalaý;

• beıádep sózder men ym-ısharany qoldaný;

• jarys nemese oqý-jattyǵý jıynyna kedergi keltirý nemese elimizdiń bedeline nuqsan keltiretin áreketter jasaý;

• jarys aldynda, barysynda nemese keıin qandaı da bir adamǵa sózben, jazbasha túrde, ym-ıshara arqyly qoqan-loqy kórsetý;

• dinı nanymdaryn ashyq nasıhattaý, ózgelerdi dinı birlestikterdiń jumysyna nemese mıssıonerlik áreketke májbúrleý.

Jeke jattyqtyrýshylar sportshylarǵa Qazaqstannyń Memlekettik Ánuranyn úıretýge mindetti.

Dene shynyqtyrý jáne sport uıymdary Sporttyq etıkanyń mátinin kórneki jerde ornalastyrýy tıis. Sonymen qatar, sporttyq qyzmetke qatysty kelisimshart jasalǵan kúnniń ózinde sportshylar men mamandar etıkamen jazbasha túrde tanystyrylýy qajet.

Atalǵan buıryq 2025 jylǵy 19 shildeden bastap kúshine enedi.