Dinı alaýyzdyqty qozdyrǵan 12 qazaqstandyq sottaldy

27 mamyrda dinı-ekstremıstik uıymnyń áreketin uıymdastyrdy jáne oǵan qatysy bar degen aıyppen 12 qazaqstandyq boıynsha sot úkimi zańdy kúshine endi, dep habarlaıdy ulttyq qaýipsizdik komıtetiniń baspasóz qyzmeti.

«Júrgizilgen tergeý barysynda sottalǵandardyń Qazaqstan aýmaǵynda dinı alaýyzdyqty qozdyrý, terrorıstik jáne ekstremıstik ıdeologııany taratý maqsatyn kózdep, sondaı-aq jańa jaqtastardy tartýmen aınalysqany anyqtaldy», — delingen komıtet habarlamasynda.

Astana qalasynyń qylmystyq ister jónindegi mamandandyrylǵan aýdanaralyq sotymen olar 9 jyldan 18 jylǵa deıin bas bostandyǵynan aıyryldy.

Sottalǵandardyń kóbi buryn aýyr qylmystar, sonyń ishinde polıııa qyzmetkerin óltirý, qaraqshylyq, tonaý, adam urlaý jáne esirtki zattaryn ótkizý úshin sotty bolǵan.