«Dıplommen – aýylǵa» dep shaqyrtyp alǵan»: Qaraǵandylyq 23 jastaǵy qyzdy zorlady degen kúdikpen aýdan ákimi qamaldy

Foto: pixabay.com

Qaraǵandy oblysy polıııa departamenti 23 jastaǵy qyzdyń zorlanýyna qatysty is boıynsha tergeý júrip jatyr. Kúdikti qamaýǵa alyndy, dep jazdy qandastar.kz

Bul týraly Stan.kz aqparat agenttigi habarlaıdy.

«Patrıot» arnasynda zardap shekken qyzdyń otbasy usynǵan aqparat jarııalandy. Qaraǵandylyq erli-zaıyptylar kúdiktiniń otbasymen dos bolǵanyn, al qyzdary kúdiktiniń ákimdiginde jumys istegenin aıtty. Qaraǵandylyq erli-zaıypty qyzyn Aqshataý aýylynyń ákimi Nurlan Seıilbekovty zorlady dep aıyptady. Zeınettegi ishki ister ardagerleriniń aıtýynsha, olar quzyrly organdarynda 25 jyldan astam qyzmet etken. Eks-ákim Nurlan Seıilbekov olardyń otbasylyq dosy bolǵan. Sonymen qatar ol 2023 jyldyń 17 qyrkúıeginde Aqshataý aýyldyq okrýginiń ákimi qyzmetine kelgen.

2023 jyly olardyń qyzy Aıtolqyn E.A. Bóketov atyndaǵy ýnıversıtetti «qoǵammen baılanys» mamandyǵy boıynsha grantpen támamdap, oqýǵa ózi túsip, jaqsy nátıje kórsetken. Sol kezde otbasylyq dosy Nurlan Seıilbekov qyzdaryn «Dıplommen – aýylǵa» baǵdarlamasy boıynsha jumysqa shaqyryp, kóterme aqy men qyzmettik úı beriletinin ýáde etken. Ata-anasy kelisken soń, qyzdyń kandıdatýrasy Shet aýdanynyń ákimdiginde maquldanǵan. Olar qyzdaryna Aqshataý aýylynan úı jaldap bergen. Qyzy demalys kúnderi óz kóligimen ata-anasyna kelip turǵan.

2024 jyldyń aqpan aıynda Aıtolqyn úıge kelip, anasyna júkti ekenin aıtqan. Qyz anasyn bolashaq jarymen tanystyryp, bul jaıly ákesine qalaı jetkizýdi bilmeı, otbasylyq dostary Nurlan Seıilbekovtiń jetkizýin qalaǵan. Osy ýaqytta  eks-ákim bul jańalyqty jyly qabyldap, aldaǵy toıǵa jylqy syılaıtynyn aıtyp, jigitpen tanysqan.

Alaıda kóp uzamaı ákim qyzdyń anasyna bolashaq kúıeý jigit jaıly teris aqparat jetkizgen. Jigitti ol qylmystyq jaýapkershilikke tartylǵan, qaryzdary bar eken dep aıtqan. Qyzdyń anasy sol kezde ákimge jigittiń kim ekenin aıtyp bergeni úshin alǵysyn da aıtqan. Anasyna qyzy «toıdy toqtatyńdar, turmysqa shyqpaımyn» dep aıtqan. Áıeldiń sózinshe, qyzy budan keıin qatty kúızeliske túsip, ishinen qan ketken.

«Dárigerler júıke júıesiniń kúızelisinen aǵzada aqaý bolǵanyn aıtyp, túsik jasatý kerek dedi. Maıqudyq aýrýhanasynda oǵan 10 aptalyq júktilik kezinde túsik jasaldy. 3 mamyr kúni qyzym Aqshataý aýylynda júrgende kelinim habarlasty. Ol “Aıtolkyndy aýyl ákimi sabap tastady” dedi. Sóıtse qyzym aǵasyna habarlasyp, kómek surapty. Barlyǵyn baýyrlaryna aıtyp bergen eken. Ákimmen qarym-qatynas qalaı bastalǵanyn da tolyq baıandapty. 2024 jyldyń qańtarynda aýylǵa issaparmen er adamdar kelip, úıden bólme jaldaǵan. Sol kezde ákim qyzyma “qonaqtar túnde bólmeńe kirip ketse she, seniń janyńda bolaıyn” dep usynady. Qyzym senip, kelisip qoıypty. Biraq túnde ákim ony zorlaǵan. Tańerteń keshirim surap, eshkimge aıtpa dep jalynypty. Sol kúnnen bastap ákim qyzymdy jıi mazalaı bastaıdy. Qyzym zombı sııaqty júrdi. Ol osylaısha bizdiń qyzymyzdy paıdalanyp júripti», – dedi ata-anasy.

Ata-anasynyń aıtýynsha, Aıtolkyn únemi bankke baryp, nesıe alyp otyrǵan. Smart-saǵatty da nesıege alǵan.

«Qyzym tipti ákimdikke tıesili “Nıva” kóligine shına satyp alǵan. Telefon men smart-saǵatty da soǵan satyp bergen. Qyzymnyń jalaqysy az bolǵandyqtan, ózim bankke 1 mıllıon 600 myń teńge tóledim. Ol smart-saǵatty ákim ózi taǵyp júr. Qaraǵandyǵa kelgende onyń qolynan sol saǵatty óz kózimmen kórdim», – dedi qyzdyń ákesi.

Ata-anasynyń aıtýynsha, polıııa aýyl ákiminiń isine nemquraıly qarap otyr.

«Biz buryn polıııada jumys istegenbiz, tájirıbemiz bar. Quqyq qorǵaý organdarynyń qalaı jumys isteý kerek ekenin bilemiz. Polıııa isti sozyp, ákimge bárin “rettep” alýǵa ýaqyt berdi. Zorlaý isi boıynsha aryzdy áıel tergeýshi qabyldaýy kerek. Alaıda aýdandyq polıııa bóliminde áıel tergeýshi joq dep aıtyldy. Qyzymdy er adamdar tergedi. Ol úsh ret jylap shyqty. Bólim basshysy Áset Qurmanǵalıev joq dep, polıııa basshysymen jolyqtyrmady. Qyzymdy uryp-soǵý tańǵy 06:00-da boldy. Al ákimdi polıııa bólimine keshki 18:00-de qarańǵy túskende alyp keldi. Mine, “jedeldik”! Ákim qolyna kisen salynbastan, kúdikti emes, jaı qonaq sııaqty dálizde júrdi», – dedi ata-anasy.

Polıııa málimetinshe, Shet aýdanynda turatyn 23 jastaǵy qyzdyń aryzy negizinde qylmystyq is qozǵalǵan.

«Sol kúni kúdikti polıııa tarapynan ustalyp, ýaqytsha ustaý ızolıatoryna qamaldy. Sottyń sankııasymen oǵan úıqamaq túrindegi bultartpaý sharasy qoldanylǵan», – delingen polıııa departamentiniń habarlamasynda.

Prokýratýra sot alqasyna jeke apellıaııalyq ótinish túsirgen. Aryz-shaǵymnan keıin úıqamaq bultartpaý sharasy ózgertilip, kúdikti qamaýǵa alynǵan. Qazir tergeý amaldary júrgizilip jatyr. Tergeý múddesine baılanysty ózge aqparat jarııa etilmeıdi. Jelide kúdiktiniń aýdandyq ákimdiktiń qyzmetkeri, naqtyraq aıtqanda aýyl ákimi ekeni týraly aqparat tarady. Bul jaǵdaıǵa Shet aýdany ákimdiginen túsinikteme berildi.

«Qylmystyq is qozǵalǵan sátte ol aýyl ákimi laýazymyn atqarmaǵan. Bul is jeke sıpatqa ıe», – dedi Shet aýdandyq ákimdigi.