Bilim
Dıplomsyz qalady-aý… 300 stýdenttiń 3 jyly bosqa kete me?
Foto: ashyq derekkóz
Soltústik Qazaqstan ýnıversıtetiniń kolledji jabylýy múmkin. Osyǵan baılanysty 300-den astam stýdent dıplomsyz qalýy múmkin, dep habarlaıdy Ulysmedia.kz.
NE ISTEITINIMDI BILMEIMIN
Kolledj quryltaıshylary bilim ordasy jańa oqý jyly qarsańynda jabylatynyn málimdegen.
Dúısenbi kúni jetekshiler muǵalimderdi jınap, bul jańalyqty aıtty. Kýratorlar bizge hat jazyp qoıǵan edi. Bul qalaı bolady? Bireýge bir jyl, endi birine eki jyl oqý qaldy. Olardyń aıtýynsha, biz basqa kolledjge aýysa alamyz. Biraq men «aýdarma isi» mamandyǵy boıynsha oqımyn jáne bul mamandyq tek osy kolledjde ǵana bar. Úsh jyldyq oqýymnyń bir jyly ǵana qalǵan edi. Budan ári ne isteıtinimdi bilmeımin, — deıdi kolledj stýdenti Iaroslav Dýbrovın.
Taǵy bir stýdent Ádil Asylbekov ótken jyly zańger mamandyǵy boıynsha oqýǵa túsken.
Maǵan munda oqyǵan unaıdy. Kolledjdiń jabylýyna qarsymyn, oqýymdy aıaqtaǵym keledi, — deıdi stýdent.
AShYNǴAN ATA-ANA
Aıta keteıik, kolledjdiń jabylýy týraly aqparat áleýmettik jelilerde paıda bolǵan.
Stýdentter men olardyń ata-analary basqa oqý oryndaryna aýysa almaıtynyn jetkizdi, sebebi qabyldaý komıssııalary óz jumysyn aıaqtap qoıǵan. Ashynǵan ata-analar jaǵdaıdy retteý úshin kolledj ǵımaratyna barǵan.
Kolledj dırektorynyń mindetin atqarýshy Bolat Baıkenovtyń aıtýynsha, qazir oqý ornynda 310 stýdent bilim alady, biraq kommerııalyq toptar óte az. Stýdentterdiń 80 paıyzy bıýdjettik negizde oqıdy, al bul quryltaıshylarǵa tabys ákelmeıdi.
