«Dombyra aqyrette paıda bermeıdi»: Aıgúl Elshibaeva dintanýshy Daryn Mýbarovke shúılikti

Foto: ashyq derekkóz

“Daryn” memlekettik jastar syılyǵynyń ıegeri, dástúrli ánshi Aıgúl Elshibaeva dintanýshy Daryn Mýbarovty aıyptady. Bul týraly Stan.kz aqparat agenttigi habarlaıdy.

О́ner ıesi dintanýshynyń “mazhab ustanbaımyn” degen sózine shúıligip, ózge din aǵymynda júr dep kúdiktendi.

“Maǵan Daryn Mýbarovtyń bergen suqbatyn Whats App-tan jiberdi. “Ábý-Hanıfa jáne esh mazhabqa fanat emespin” dep otyr. Ýahabtarda mazhab joq ekenin myna esalańdar bile me?! Ýahabtar eshqandaı mazhabqa jatpaıdy. Olarda mazhab joq. “Dombyra aqırette paıda bermeıdi, bir tartqanyńa qanaǵat qyl” dep otyr. Sonda dombyra da haram boldy ma, álde Daryn ýahabıst boldy ma?! Myna sózder fakty emes pe, mıy bar adamǵa. Biz Ábý-Hanıfanyń mazhabyn ustaǵan musylman elmiz. Sonda mazhabsyz, ýahabtyq ıdelogııany qoldaýshy ma?! Jeńgeleri jeti shelpek pisirmeıdi deıdi. Jeti nan sol Ábý-Hanıfa mazhabynan kele jatqan senimimiz, jeti nan sadaqamyz, jeti báleniń basyn qaıtarady degen qazaqpyz”, – dedi ánshi.

Sonymen qatar óner ıesi dintanýshymen kezdesip, ulttyq kıimderdiń haram emes ekenin eskertken.

“Men jaqynda Balǵynbektiń toıynda Daryndy kórdim. Betpe-bet jolyqtyq. Balǵynbek Darynǵa “Aıgúl salafıtterge qarsy jazbalar jazady” dedi. Meni Darynǵa basymdaǵy oramal men ústimde jeńsiz qamzol, uzyn kóılek, shashymda shashbaýymdy kórsettim. “Myna qazaqtyń kıimi haram ba, men osy kıim úshin arabsha, qara jamylǵan qatyndarmen qyrylamyn, óz qazaq ultyńnyń kıimin nege kımeısiń dep aıtamyn” dedim. Ultymnyń kıimi haram emes ekenin aıttym. Balǵynbekti ýaqab deıtinder, kelinniń betin ashyp, sálem saldyrǵasyn, qalaı ýaqab deıin. Ýaqabtar salt-dástúrge qarsy ǵoı”, – dedi dástúrli án mektebiniń ókili.

Eske salaıyq, Aıgúl Elshibaeva quran oqyp, qyz uzatatyndardy synady.