جاڭالىقتار
«دومبىرا تارتساق, ساقال قويماساق ۇرادى, قامايدى»: اۋعانستاندا تۇراتىن قازاقتار قازىرگى كۇيى تۋرالى ايتىپ بەردى
دەرەكتى فيلم YouTube جەلىسىندەگى “جالعىز جولاۋشى” ارناسىندا جاريالانعان. فيلمدە اۋعانستاندا تۇراتىن قازاقتاردىڭ شىنايى ءومىرى بەينەلەنگەن,-دەپ حابارلايدى Qandastar.kz
فيلم كەيىپكەرلەرىنىڭ ايتۋىنشا, قازىر جاستار اراسىندا قازاق ءتىلى بىرتە-بىرتە ۇمىتىلىپ بارا جاتقان كورىنەدى. جاستار كوبىنە وزبەك, پارسى, اۋعان تىلدەرىندە سويلەيدى ەكەن.
ەل شاريعات ءتارتىبى ارقىلى باسقارىلاتىندىقتان, اۋعان قازاقتارىنا دومبىرا تارتۋعا تىيىم سالىنىپتى. وزدەرىنىڭ ايتۋىنشا, دومبىرا تارتقان ادام جازاعا تارتىلىپ, دومبىراسى تارتىپ الىنادى. سونداي-اق ءدال سول شاريعات تارتىبىمەن ساقال قويماعان, ناماز وقىمايتىن ادامدار دا جازالانادى. ال كىمنىڭ ناماز وقىماي جۇرگەنىن جەرگىلىكتى يمامدار باقىلاپ, بيلىككە حابارلاپ وتىرادى ەكەن.
